MAINGON nga sobra nga henyo kini si ex-world champion Robert “Bobby” Fischer sa dula nga chess.
Sa iyang panahon wala pa ang mga computer program sa chess nga moabag sa mga gapaningkamot pagka-professional sa dula.
Akong gibasi ang deperensya sa henerasyon ni Fischer ug sa karon labina sa bagohay nga henerasyon nagsunod kaniya.
Kinatas-an naabot ni Fischer mao ang 2785 nga rating nga iyang nakab-ot niadtong Abril sa 1972 ug nabuak kini sobra sa dekada nga wala nay lain kung di si Garry Kasparov.
Kung di ko masayop morag 15 ka tuig una pa nabuak. Pero una sab si Kasparov nga niabot sa 2800 nga kalibre.
Ang usa ka world champion nga nga gipilde ni Kasparov sa ilang match nga si Anatoly Karpov kutob lang sa 2780 ang kinataas nga abot.
Gani, sa niaging column nga nahipatik ang dula nila ni Fischer sa 13-anyos pa siya batok kang Donald Bryne niadtong 1956 nga ginganlan sa kasaysayan nga “Game of the Century”.
Si Fischer ang usa sa nagpasikat sa King’s Indian Attack batok sa French defense.