SAMARAN ang usa ka security guard human gipusil samtang angkas sa motorsiklo niadtong niaging adlaw sa Sayre highway sa P-5, Base Camp, lungsod sa Maramag, Bukidnon.

Gi-ila ang biktima nga si William M. Villafranca, security Guard sa FMG security agency ug nadestino sa Valle, San Miguel, Maramag, Bukidnon.

Sa inisyal nga imbestigasyon nasuta nga ang biktima angkas sa motorsiklo niadtong tungora nga gimaneho ni Joy Palmada.

Apan paghidangat sa maong dapit kalit lang misunod kanila ang usa ka laing motorsiklo ug deretsong namusil ang sakay niini.

Ang suspetsado dali usab nga mibiya human sa pagpamusil.

Gi-imbestigahan na sa kapolisan kung kinsay responsable sa pagpamusil ug ingon man motibo niini.(SVB/Sunnex)