SECTIONS
Monday July 23, 2018
SUPERBALITA DAVAO

Giyera makalangan sa peace talks

SA NAHITABO nga giyera tali gobyerno ug komunistang grupo, si Davao City Mayor Sara Duterte-Carpio nagkanayon nga makalangan kini sa hinabing pangkalinaw.

“Kana ilahang mga pang-ataki would show sa ilahang sincerity kung gusto ba jud sila makig-istorya ug kalinaw with the national government. Kung mag sige kag ingon na gusto kag peace talks pero lahi man pod ang ginbuhat on the ground, then it shows na walay sincerity ang mga tao nga nagasulti nga gusto sila ug peace talks," suma ni Duterte-Carpio sa pakighinabi kaniya.

Ang mayor midugang nga ang Davao City Peace Advisory Council, karon Peace 911, nga unang giporma arong mopatunga sa localized peace talks tali New People’s Army (NPA) sa Davao City, karon gitahasan nga moimplementar sa mga proyekto ug kalambuang pangkalinaw sa hilit nga lugar sa siyudad.

Ang task force nagplano nga opisyal nga maglunsad sa ilang giduso nga peace building programs karong Mayor 9 sa Paquibato District.

“Sa local wala naman tay localize peace talks, gi-deactivate na nato after na-release ang executive order gikan sa Office of the President declaring the NPA as terrorist. So nag-focus nalang ta sa community development didto sa mga areas na-identify na dunay presence ang NPA," sulti ni Duterte-Carpio.

Miangkon nga dunay mga lugar sa dakbayan diin ang serbisyo sa gobyerno lisud mahatud tungod sa lokasyon, siya nagkanayon nga ang maong grupo, buot niyang magdala sa gobyerno ngadto sa maong mga lugar.

Ning bag-o lang, sunod-sunod ang pagpangatake sa mga rebelde

mao nga gilauman nga malangan ang hinabing pangkalinaw. (Juliet C. Revita)


VIEW COMMENTS