NASIKOP sa kapolisan ang usa ka suspetsadong karnaper niadtong Miyerkules alas 2:44 sa hapon pinaagi sa entrapment operation sa Integrated Bus Terminal, Agora, Lapasan, Dakbayan sa Cagayan de Oro.
Sapon nga nagbaligya og motorsiklo si Anthony Marpe, lumolupyo sa Kidapawan, North Cotabato.
Ang motorsiklo usa ka Honda XRM kinsa nakarehistro sa ngalan sa usa ka Saiman Malindan residente sa Sentro Katorse, Carmen, Kibayay, North Cotabato.
Sa report nga nakuha sa Sun.Star Superbalita sa Police Station 3 (PS3) sa Agora, nasayran nga nagpahigayon og entrapment operation ang kapolisan sa pagpangulo ni Police Inspector Julius Saluta, Deputy Station commander sa PS3 hinungdan sa malampusong nasikop ang suspetsado.
Ang suspetsado kasamtangang anaa pa sa kustodiya sa kapolisan ug gitakdang ihatod sa Carmen Municipal Police Station, North Cotabato.