GINOONG Tisa 2017 ang usa sa mga highlight nga kalingawan nga makita nato karon sa Siomai Festival sa Tisa.
Daghang kalihukan ug mga programa nga atong masaksihan diha sa barangay Tisa atol sa ilang pagsaulog sa "Siomai festival." Ang mga lamiang siomai nga maoy nagpasikat sa maong dapit inyo usab nga matilawan.
Ang gipaabot usab sa tanan mao ang indigay sa kaambong, talento ug intelehente sa mga batanong kalakin-an. Ang magtigi para maangkon ang korona isip "Ginoong Tisa" mao sila si Dexter Tundag, Kristoff Alix, Audrey Perolino, Jhunly Maglasang, Jason Yballe, Drexleer Berdos, Nickoe Jayde Gumanit, Juniel Mangas, Jomar Jakosalem, Leif dela Cruz, KC Apa-ap ug Lex Degame karong Setyembre 21, alas-7:30 sa gabii diha sa Tisa 2 Elementary School Gym. Hatud kanato sa Skin 911, Cut salon, Calayan medical group, Slimmers world inc., Sogo hotel, El glamorous face & body clinic ug Globe telecom.
Si Devon Seron nga kon wa ko masayop taga-Tisa sad, ang kanhi housemate ni kuya sa PBB house, may pelikula na.
Morag naas langit ang gibati karon ni Devon kay bida na kini sa Korean movie nga "You with me" ug makapareha ang duha ka korean aktor nga silang Hyun Woo ug Jin Ju Hyeong.
Nag-audition ug miagi sa grabeng makeover ang dalaga, ang pelikula gi-shoot dinhi sa Pilipinas ug sa Korea, ay'g saba!
Showing na karon sa mga sinehan ang pelikulang "Loving in Tandem" diin ang mga bida dinhi silang Maymay Entrata, Edward Barber, Kisses Delavin ug Marco Gallo.
Ang mga former housemates sa PBB Lucky 7 mag-uban ubos sa Star Cinema, diin gilusad ang duha ka loveteam ang "mayward" ug "kissmarc." ay'g saba!
"I can See Your Voice" gisugdan na sa kapamilya network matag Sabado ug Domingo hosted by Luis Manzano.
Dili ikalilong nga kitang mga pinoy mahilig gyud og kanta basta naay microphone ang uban dili na buhi-an. Mao bitaw nga daghang singing kontes.
Masintunado o biritera mao nay atong nakahiligan. Mao nga lahing game show na usab ang atong makita sa singtunado nga "I can hear your voice" kauban silang Alex Gonzaga, Angeline Quinto, Kean Cipriano, Wacky Kiray ug Andrew E. isip mga sing-vestigator, ay'g saba!