Mongaya: Cebu Batok Marcos

LINIBO ang gilaumang motambong sa mga gipangtakda nga protesta karong Septiyembre 21, 2017, ang anibersaryo sa pagdeklarar ni anhing pre­sidente Ferdinand Marcos sa balaod militar kaniadtong tuig 1972.

Duha ka mga alyansa ang magpahigayon og mga lihok protesta sa maong adlaw dinhi sa Sugbo.

Inig alas 9 sa buntag, magtapok ang mga sakop sa Cebu Citizens Assembly diha sa simbahan sa Sto. Rosario. Dayon momartsa sila padulong sa Gaisano Metro diin ipahigayon ang usa ka rali.

Kining maong alyansa naglakip sa Akbayan, Akbayan Youth, Partido Manggagawa, Sanlakas Cebu, Sanlakas Cebu Youth, Kilusang Para sa Demokrasya (Kiulusan), The Silent Majority, Anti-Bongbong Coalition (ABC) ug Pagtambayayong Foundation Inc.

Human sa usa ka oras, mo­diretso sila padulong sa Plaza Independencia alang sa wreath-laying diha sa marker sa pakigbisog sa mga Sugboanon panahon sa diktadurya.

Mga ala 1 sa hapon, magtapok na sab ang Bagong Alyansang Makabayan (Bayan) ug ang Movement Against Tyranny anha sa Fuente Osmeña ug dayon momartsa sila padulong sa Commission on Human Rights ug sa PRO 7.

Mga alas 4 sa hapon, naa na sila magrali sa dalan Colon tungod sa Gaisano Metro.

Atong gipaabot nga ang Bayan ug Movement Against Tyranny mag-presscon karong alas 10 sa buntag anha sa UP Cebu Union conference hall diin ilang ipresenta ang resulta sa usa ka fact-finding mission sa Guihulngan ug ang ilang plano sa Septembre 21.

Ang press con sa Cebu Ci­tizens Assembly ipahigayon karong Septiyembre 20 alang gihapon sa buntag anha sa Handuraw sa Mango Square.

Buot ipasabot, tibuok adlaw nga dunay mga protesta sa Sugbo nga naila kaniadtong panahon sa diktadurya nga bastion of democracy.

Kahinumduman, usa ka dakong human rights rally nga gipangulohan Fr. Rudy Romano ang unang pag-ulbo sa protesta dinhi sa Sugbo kaniadtong Disyembre 15, 1979.

Di ko makalimot niana kay mao kana ang unang rali diin nakasuway ko nga mabasa sa tubig gikan sa usa ka trak sa bombero nga nisuway sa pag-disperse kanamo.

Human niadto, gipahigayon dayon ang sunod-sunod nga Freedom March nga gipangulohan ni Inday Nita Cortes-Daluz, Dodong Holganza, ug Nyor Inteng del Rosario.

Kining mga higanteng pro­testa sa Sugbo nahitabo sa wala pay 1983 dihang niulbo ang mga dagkong pro­testa sa kaulohan human gibuno si Ninoy Aquiino. Mao nga makaingon gyud ko nga ang Sugbo nagkahiusa batok kang Marcos.

Ug atong nakita sa miaging eleksyon sa 2016 nga gilubong dinhi sa Sugbo ang bugtong anak sa diktador nga si Bongbong Marcos. Ikatulo lang si Bongbong sa tibuok Sugbo. Sa Syudad sa Sugbo, nag-una si Alan Peter Cayetano.

(@anol_cebu sa Twitter)
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">



style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="4158864647">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph