Pirates kampeyon

NAKABUHI ang Gjaps Pirates sa Tan Crusaders 83-81, sa overtime aron mabulsa ang 1st Scottie Thompson Cup Basketball titulo niadtong Dominggo sa gabii didto sa Elenita Heights Basketball Court sa Catalunan Grande, Davao City.

Si Edsel Enal, ang maoy nakakuha sa most valuable player award alang sa Pirates nga dunay 22 puntos samtang ang teammates sila Francis Garcia, Raym Dasas ug Aljie Quintanilla parehong may 10 puntos.

Bisan ang key player Japs Sabio nalimitihan og upat puntos, sila Jay Abayon ug Ryan Vertudazo ang nipatigbabaw ang presensya sa depensa ug midguang og 14 puntos.

Bahin sa Tan Crusaders, misalig ila Miggie Dela Cruz ug Christian Delgado, kinsang dunay 23 ug 20 puntos sa maong han-ay.

Si Junjun Tan mibuslo og 12 puntos alang sa iyang tim apan wa kini naka-alsa ngadto sa kadaugan.

Sa usa ka minutos nabilin sa final period, ang Pirates mitawag og timeout aron moplano sa sunod duwa human ang Crusaders dunay lamang nga lima puntos.

Si Enal milabay og tres dayon gisundan og dos puntos ni Dasas aron masibog sa overtime sa 71-all.

Sa lima ka minutos extension, ang kulba hinam nahitabo hangtud sa uwahing 20 segundos sa duwa.

"Sa quarter finals pa lang, we thought na hindi na kami makakapasok sa semifinals kasi yung mga opponent's namin may two varsity players and youth pa so maliit talaga chances namin," ni Sabio.

Napasalamat si Sabio kang Ginebra star Scottie Thompson, Commissioner Rolando Budoy Casila, Basketball Referee Association of Davao, Jeffrey Senon sa Natasha, Rudy Coquilla sa MCCC Transport, Nonoy Tan sa Tan Crusaders, Jepoy Cuerpo sa BC Cuerpo Construction, Melvin Lanoy sa Minnie Mickey Mouse Taxi, John Curada sa Heartworks, Spike Diao sa Mt. Mixed ug Bmeg alang sa suprota.

Ang special awards gihatag sab ngadto ila Jeremias Guilla (most improved player), Prince Rosario (rookie of the conference) and Luis Coquilla (sportsmanship award).

Ang Mythical five mao sila Johann Fernandez, Melvin Lanoy, Christian Delgado, Kyle Ferrer ug Miggy Dela Cruz.