Melchor U. Yburan
Sto. Nino, Suba, Pasil, Cebu City
Ania!
Ania!
Kini gayud dawata,
Ang singsing ko imo na.
Ampingi!
Ampingi!
Sama sa pag-amping ko
Sa singsing gihatag mo.
Kita gayud magbug-os
Sa gugma natong tim-os.
Mao kini: ikaw ug ako
Gihiusa sa Ginuo.
Sud-onga!
Sud-onga!
Ang adlaw nga nagsabwag
Sa tin-aw nga kahayag.
Kita gayud gitultolan
Sa hapsay, tanos nga dalan,
Kay didto sa unahan
Ikaw’g ako mabulahan.
Kanindot!
Kanindot!
Langitnon kini nga Pahat,
Maoy atong madawat.
Salamat!
Salamat!