ANG mga trabahante gikan sa Servants of All Global Incorporation (SOAGI) bag-ohay lang nagpahigayon og community social service nga adunay tema "Serbisyo sa Barangay".
Gipahigayon kini niadtong adlawng Domingo, September 17, sa Barangay Pagatpat, Covered Court, Cagayan de Oro City.
Ang mga benipisyo nga nahatag mao ang libreng mediko sama sa libreng minor surgical procedures, libreng medisina, ibot sa ngipon, pre-natal, pedia, pagpang apod og wheelchairs, OB, pagproseso sa birth certificate, marriage certificate, death certificate, passport application ug uban processing, NBI clearance ug application, legal consultation ug blood letting nga gisalmotan sa nagkadaiyang barangay sama sa Barangay Pagatpat, Barangay San Simon, Barangay Canito-an ug Barangay Baikingon.
Ang mga libreng serbisyo nahatag sa mga katawhan sa hinterland nga bahin diin mokabat 2,000 ka mga benipisaryo gikan sa upat ka mga barangay sa siyudad ang naserbisyohan sulod sa usa ka adlaw nga kalihokan.
Ang kalihokan gipangulohan ni SOAGI Founder ug Chairman nga mao si Michael "Mike" Salvador ug giubanan kini sa 4ID Division Commander Mgen.
Ronald Villanueva, Task Force Oro Commander Col. Roy Orquia, COCPO Police Senior Superintendent Robert Roy Buhian, Provincial Director of Misamis Oriental Police Senior Superintendent Rolando Destura ug Ororama Mega Farm Owner Mr. See Hong.
Matud ni Salvador nga kini nga kalihokan dako kaayk kg tabang sa mga residente nga nga dili maka afford sa pagpatambal ug bisan sa pag atiman sa ilang mga papeles sa sentro sa dakbayan hilabina sa kalay-on ug mas prayoridad ang adlaw adlaw nga panginahanglanon.
"So aron mabati nila na aduna diay tawo na gamiton sa Ginoo aron e blessed pod sila. You could imagine this day tungod sa Servant of All Global Incorporation pila ka tawo natagaan og milagro, libre nga operasyon, libre nga wheelchairs, dili na muadto sa siyudad na traffic pa kaayo mamasahero pa, maglinya pa, mamata pa og kadlawon kay naa na sa ila tungod ang barangay, ang mga serbisyo, so all of this are miracle and you know pabor ni sa mga tawo nga nanginahangla", matud ni Salvador.
Ang SOAGI usa ka i non-profit, non-religious ug non-political nga naglantaw makaasistar sa mga less fortunate nga mga indibidwal.
Dugang ni Salvador nga kining kalihkkan resulta sa iyang dakong pagtou ug pagsalig sa labawng makagagahom ug iyanf pasyon nga makatabang sa mga nanginahanglan.
"The one who inspired me is my relationship nako sa Ginoo, you know kung duna kay Ginoo, duna kay gugma sa mga taong nanginahanglan, because all of us are created by God regardless of what religion or what domination you belong, it doesn't matter, that's why gitawag siya og Servants of All Global because servant sa tanan, alagad sa tanan either you're a Muslim, Buddhist, Catholic, Adventist or what so ever unsa imo religion, even sa mga tawo nga dili mutu-o og relihiyon its alright" dugang pasabot niini.
Gipili usab ang Barangay Pagatpat aron sayon mapaabot ang serbisyo hilabina doul ra kini sa tent city sa Barangay Canito-an diin kini nga Barangay maoy adunay taas og ihap sa namuyo human diri girelokar ang mga biktima sa bagyong Sendong niadtong December 2011.
Ang SOAGI niapod apod sab og 1000 ka mga grocery pack sa mga apektado sa kagubot sa Marawi City.
Nipaabot sab sa iyang pasalamat si Salvador sa walo ka haligi sa gobyerno nga miabag aron molampos iyang kalihokan sama sa DOH, DOJ, PAO, DFA, PRC, PSA, NSO ug also Armed Forces of the Philippines (AFP) ug Navy nga nitabang sa pagpahapsay sa kalihokan. (Translated by SVB)