USA hangtod sa 12 ka oras nga pagkapawong sa kuryente ang masinati sa mga konsumedor sa pipila ka mga dapit sa mga dakbayan sa Sugbo, Naga ug Mandaue gikan karong ad­lawa hangtod sa Miyer­kules sa sunod semana.

Sa advisory sa Veco sa account niini sa Facebook alas 3:12 kagahapon sa ha­pon, kini nipahibawo nga karong adlawa, alas 9 sa buntag hangtod alas 5 sa hapon o walo ka oras nga brownout ang masinati sa bahin sa Barangay Camputhaw sa F. Sotto Drive apil na ang Divine Word Formation Center, gumikan sa pag-upgrade sa transformer.

Alas 9 sa buntag hang­tod alas 4 sa hapon way kuryente sa bahin sa Barangay Banilad, Cebu City tungod sa pagbalhin sa poste sa kuryente.

Alas 9 sa buntag hangtod alas 5 sa hapon usab karong adlawa mag-brownout sa bahin sa Barangay Mantuyong ug Ibabao, Man­daue City sa mga dalan A. del Rosario, Suson, F.B. Cabahug ug Gen. Luna, apil sa Mantuyong Day Care Center, gumikan sa pagtaod sa poste ug transformer.

Alas 7 sa buntag hangtod alas 5 sa hapon nii­ning adlawa way kur­yente ang bahin sa Barangay Apas ug Lahug, Cebu City subay sa mga dalan Omega, San Miguel ug Generoso, tungod sa pag-ilis sa nadunot nga poste.

Ugma, alas 7 sa buntag hangtod alas 5 sa hapon mag-brownout sa bahin sa Barangay San Antonio; Kamagayan ug Kalubihan, Cebu City subay sa mga dalan Pelaez, R.R. Landon ug Sanciangko, ug usa ka bahin sa Osmeña Blvd a­lang sa reconstruction sa primary lines.

Alas 7 sa buntag hangtod alas 8 sa buntag ug alas 4 sa hapon hangtod alas 5 sa hapon, way kuryente sa bahin sa Barangay San Antonio; Kamagayan ug Kalubihan, Cebu City subay sa Pelaez, R. R. Landon ug Sanciangko alang sa pag-normalize sa kuryente sa dapit gitrabahoan.

Karong Lunes, alas 9 sa buntag hangtod alas 3 sa hapon o unom ka oras nga brownout sa bahin sa Barangay San Roque, Cebu City subay sa mga dalan sa Lapu-Lapu ug V. Gullas (kanhi Manalili) alang sa pag-upgrade sa transformer.

Karong Martes, unom ka oras nga pagkabalda sa supply sa kuryente ang masinati sa Barangay Pulangbato, Cebu City gikan alas 9 sa buntag hangtod alas 3 sa hapon alang sa pag-upgrade sa transformer.

Alas 9 sa buntag hang­tod alas 5 sa hapon sa samang adlaw, way kur­yente sa bahin sa Barangay Kalunasan ug Capitol Site, Cebu City alang sa itaod nga lateral disconnect switch ug standard construction.

Siyam ka oras nga brownout sa maong adlaw ang masinati sa mga barangay East, West, Central, South ug North Poblacion, Tangke, Alpaco, Balirong, Lutac, Tagjaguimit, Uling, Tinaan, Pang­dan, Lanas, Naalad, Ma­init ug Mayana sa City of Naga, gikan alas 8 sa buntag hangtod alas 5 sa hapon, alang sa itaod nga disconnect switch, rerouting ug standardization sa nag-unang mga linya.

Karong Miyerkules, wa­lo ka oras nga brownout ang masinati sa bahin sa Barangay Cabancalan ug Casuntingan, Mandaue City, gikan alas 9 sa buntag hangtod alas 5 sa hapon alang sa itaod nga transformer ug reconstruction sa primary line.