PIPILA ka mga semana sa dili pa magsugod ang ilang kampanya sa pagdepensa og korona, ang UV nihimo og surpresang lakang kabahin sa ilang programa sa basketball.

SI Lancers basketball team overall manager ug Cebu first district congressman Gerald Anthony “Sam-Sam” Gullas Jr. mipahamtang og usa ka buwan nga suspensyon ngadto sa ilang age group team coach nga so Jaymart Canoy gumikan sa dili maayong pamatasan.

“First of all, let me correct it, Jaymart was not not sacked, he was only suspended for a month, where we are going to re-evaluate his status after one month.(The) Management decided to suspend him for one month for a sole reason of conduct unbecoming of a coach. He will be officially suspended immediately including the entire month of July. Come August we will re-evaluate his status as head coach. Rest assured that U Passerelle and SBP team will come prepared for the upcoming Milo tournament under coach (Jonnel) Maglasang,” asoy ni Gullas sa Sun.Star Cebu.

Gumikan ning maong kalambuan, giusab ni Gullas ang komposisyon sa coaching staff ug iyang gikuha si Maglasang aron temporayong mohulip kang Canoy.

Moabag kang Maglasang sa paggiya sa UV age group squad mao sila si long-time UV Baby Lancers coach Delfin Pepito, Ronaldo Bucao, Abel Bungcaras ug Kenneth Pepito.

Ang team, nga gigiyahan ni Canoy kauban sila si Randy de la Pisa ug Pepito, nakahatag sa UV og ubay-ubay nga national titles lakip na niini ang National Under 16 title niadtong 2011, Batang PBA title ug Milo Passerelle National title sa miaging tuig.