Mga bata gigamit sa protesta

MIHATAG og reaksyon si Davao City Mayor Sara Duterte-Carpio, pinaagi sa pag-post sa iyang Facebook account, dihang iyang nasayran nga dunay mga lumad nga mga bata gikan sa kabukiran ang gipangdala sa dakbayan sa Davao nga misalmot sa mga lihok protesta atol sa National Day of Protest niadtong Huwebes, Septembre 20.

Sa post sa Mayor, nasagmuyo siya sa posibleng dangatan sa mga bata tungod posibleng magkasakit kini diin buot sa Mayor nga wa nalang unta gipaapil ang mga bata sa natigayong rally.

"Mag-protesta nalang mo, bata pa inyong himuong force multipliers. Magkasakit ang mga bata, adto dayon sa Lingap ug DSWD. Wa man gani moy budget pangtambal. God bless you," kapsyon sa post sa Mayor diha sa screen shots sa mensahe nga nagpahibalo kaniya sa text nga dunay dul-an saysenta ka mga tawo sakay sa usa ka trak miabot sa usa ka compound sa Father Selga Street nga dunay dalang mga bata ug naulanan sila.

Nag-post sab og dunay kalambigitan sa pahayag sa Mayor si Sheena Duazo, General Secretary sa Bagong Alyansang Makabayan Southern Mindanao Region, diin gipasabot ni Duazo nga panahon sa martial law ni kanhi Presidente Ferdinand Marcos, ang mga bata migawas ug misalmot sa protesta aron ipanawagan nga pagawson ang ilang mga inahan ug amahan.

"Panahon sa martial law ni Marcos ang mga bata nga anak sa mga political detainees, nag-rally gawas sa prisohan aron ipanawagan nga i-release ilang mama o papa," tipik sa post ni Duazo.

Dugang ni Duazo nga ang mga bata dunay katungod nga mag-protesta hilabi na nga sila mismo ang giingong mga biktima sa kabangis sa estado.

Mikakak sab si Duazo sa iyang post dihang temporaryong gi-hold sa Task Force Davao checkpoint sa Barangay Sirawan sa Toril ug Barangay Lacson sa Calinan ang duha ka dyip nga dunay sakay nga mga gituohang mga lumad nga mosalmot sa lihok protesta kagahapon.

"Despite the President's proclamation allowing the people to protest, hindi pinayagang makapasok ng Davao ang galing DavSur na mga magsasaka," sulti ni Duazo.

Labot sa maong istorya, dagko nga mga tarpaulin ang gipangpaskil palibot sa stage sa San Pedro Square dunay nakasuwat "Resist Destabilization, We Support PRRD" -- Mga Ayaw sa Terorista - Davao

Walay bisan usa nga mipahigayon og rally atubangan sa entablado sa San Pedro Square gumikan mipahigayon og blocking force sa palibot sa City Hall ug San Pedro Square ang Davao City Police Office aron maseguro nga hapsay ang sentrong bahin sa siyudad diin mapabilin ang dagan sa trapiko aron di makulgot ang mga trabahante sa mga pribadong kompanya nga nanarbaho kagahapon.

Ang mga militante didto lamang sila mipahigayon og rally sa Freedom Park sa Roxas Avenue, uban sa mga singgit diha sa ilang panawagan sa gobyerno labot sa ilang mga mulo.

Hinuon, malinawon ang natigayong National Day of Protest sa Davao City kagahapon luyo sa ilang pagsunog og effigy sa ilang pagsupak sa kasamtangan nga administrasyon.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph