NAKAKULIT ang Purefoods Star og record kagabii pinaagi sa makabungog nga kadaugan, 126-73, batok sa GlobalPort sa pagsugod sa PBA Governor’s Cup quarterfinal matchup sa Araneta Coliseum.
Ang maong kadaugan gihulagway ni coach Tim Cone nga usa ka dakong “right punch” gikan sa sinugdanan hangtod sa katapusan nga maoy pinakadakong kadaugan sa playoff sulod sa 40 ka tuig na nga kasaysayan.
Sa 53-puntos usab nga labaw, duha na lang ang kuwang aron ilang matupngan ang all-time record nga nahulma sulod sa tulo ka dekada sa dihang gilubong sa Utex og taga liog ang Great Taste, 154-99, sa regular-season niadtng Hulyo 12,1980.
Apan ang pinaka-importanti sa maong kadaugan mao nga nakapugos usab ang Hotshots sa do-or-die battle batok sa twice-to-beat nga Batang Pier nga gikatakda karong Dominggo.
“We just came out with a big punch right from the beginning and we just kept pummeling them,” matod ni Hotshots coach Cone. “I think Manny Pacquiao would’ve proud of that game.” (Spin.ph)