NAGPATALA sa Police Station 3 sa Agora ang usa ka maestro human kini gibaharang dunggabon sa iyang estudyante human gibadlong tungod kay wala naka uniporme niadtong Huwebes sulod mismo sa eskwelahan ning dakbayan sa Cagayan de Oro.

Ang biktima nga nagpatala naila nga mao si Arnel (bansagon gipugngan), 38, batok sa estudyante niini nga 14-anyos.

Sa report nga nakuha sa Sun.Star Superbalita sa kapolisan, nasayran nga subay pa sa biktima nagpatuman lamang kini sa polisiya sa eskwelahan diin ang wala naka uniporme ilain ngadto sa community service.

Human sa maong insidente nagbagutbot pa ang maong estudyante ug gidala ang inahan niini diin mihulga usab kaniya nga padak-on matud pa ang maong isyu hinungdan nga nakahatag kini og pagkadili kumportable sa maong magtutudlo.

(KCS/Sunnex)