Gullas mi-top pagka doktor

SA ikaduhang higayon, nag top one na usab og licensure examination ang apo ni Kong. Eduardo Gullas nga si Vincent Edouard Anthony ‘Dandan’ Retardo Gullas.

Ning higayona, si Dandan, gradwado sa University of Sto. Tomas, nahimutang na usab sa unang dapit sa Physician Licensure Examination sa iyang score nga 90.50, base sa resulta nga gipagawas sa Professional Regulation Commission.

Samtang, gradwado sa Cebu Institute of Medicine nga si Mark Andrian Orillano Yano ang nasulod usab sa top ten sa iyang score nga 89.50.

Sa 4,064 ka examinees, 3,340 ang nakapasar.

Lima ka tuig ang nakalabay, dihang si Dandan nihatag og dungog sa iyang pamilya human siya nag top one usab sa Medical Technologist Licensure Examination human nigradwar sa Cebu Velez College, dakbayan sa Sugbo niadtong 2011.

“Na-speechless ko. Wala ko makatuo at first pag-ingon sa among dean kay wala pa ma-release sa PRC ang result,” asoy ni Dandan sa Superbalita Cebu kagahapon.

Nahibaw-an niya ang resulta atol sa okasyon nga giandam sa UST alang sa mga nikuha og licensure exam niadtong Biyernes sa gabii.

Wa siya magdahom nga maapil sa top ten kay nalisdan siya sa pasulit.

Ang 27-anyos nga ulitawo nipaambit nga ang iyahang inahan nga si Rosanna ang nagdasig niya nga mag doktor.

Sa duha ka buwan niya nga pag-review, halos tibuok adlaw ang iyang pagtuon.

Siya niangkon nga bisan og di siya segurado sa iyang mga tubag, apan nisalig siya sa Ginuo.

“Kailangan he wants to be a doctor. Pray lang gyud sa Ginuo and do your best,” pagdasig sa ikalima nga anak sa unom ka magsuon.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph