KULBA-HINAM na sab nga hapon nga puno sa exciting dance moves ang masaksihan karon sa mga taga-Distrito 2 sa ikaduhang hugna sa Bangga sa Sayaw 2015 Metro Davao Edition, ala una sa hapon, Buhangin Gymnasium ning siyudad sa Davao.

Laing walo ka mga dance group ang magpasiklaban sa dance floors ug maningkamot nga maka-abante sa semi-finals.

Ang walo ka grupo mao ang 39 Blocks sa Barangay Buhangin, Kite Dancer gikan sa Barangay Cabantian; MKF2, Nemik sa Barangay Hizon; Bomb Tricks sa Barangay Sasa; The Accelerated Breakers sa Barangay Communal; Youth Dance Crew; ug D' Squared.

Samtang sa pikas bahin, gipasalig sa grupong Kite Dancer nga gilangkuban sa onse ka miyembro nga mopakita sila og all-out performance sa ilang pakigtigi karong adlawa.

Ang grupo nga pambato sa Cabantian Buhangin ning siyudad, gilangkuban nila, Charina Tan, Shenna Kay Ayuban, Lea Jean Abatayo, Jele Sucuano, Elisie Gabitoya, Niave Manza, Yvonne Lape, Ranlene Jabay, Judy Fe Alas, Redin Talistic ug Charles Bernard Luyahan.

Human sa himuong elimination rounds, upat ka grupo ang pilion nga maoy moabante sa semis, sila salaon, mopili og laing mogiling alang sa finals.

Apan, sa wala pa makapalista, paspasi ang mga lihuk ug dasdas na sa uwahing hugna sa elimination alang sa Third District.

Duaw lamang sa Circulation Department sa Sun.Star Davao Office, Door 5 Ebro Pelayo Building, Jacinto St., Davao City ug pangitaa lamang si Ramil Solamo.

Pwede sab siyang makontak sa numerong 0925-762-0200 ug 0910-269-8513.

Mga premyong ihatag sa grandiyosong grand finals karong Agosto 8, 2015 mao ang mosunod: grand winner modawat og P15,000; first runner-up - P10,000; ug ang second runner-up - P5,000.

Ang labing una nga Bangga sa Sayaw Metro Davao Edition nahimong posible uban ang tabang sa mga sponsors.

Kini ang Anflocor, 90.7 Love Radio ug New City Commercial Center isip major sponsors.

Anaa sab ang Nature Spring, Pepsi Cola Philippines ug San Miguel Corporation isip Sponsors.