ANG inahan sa 15-anyos nga babaye nga giingon nga na-missing sukad niadtong Hunyo 6 nagbutyag nga wa pa silay nadawat nga katikaran sa nahimutangan sa ilang anak.

Ang babaye, giilang si Lyn (tinuod nga pangalan gitago), gikatahong katapusang nakita didto sa Manila airport paingon mosakay sa eroplano paingon sa siyudad sa Davao.

"Wala pa gyuy balita gihapon sa akong anak," sulti ni Marilou, inahan sa nahanaw nga babaye, sa pakighinabi kaniya sa Sun.Star Davao kagahapon sa hapon.

Usa ka tinubdan sa Sun.Star Davao, kinsa nagdumili pagbutyag sa iyang pangalan, nagsulti nga iyang nakita ang 15-anyos dinhi sa siyudad niadtong Hunyo 13.

"Nung kinausap ko yung bata, sinabi niya na ayaw niya sumama sa flight nila ng mama niya papuntang Bacolod. Iniwan niya ang mama niya, sumakay siya ng taxi at napadpad sa aming area. Nawawala yung bata at nanginginig. Nung ini-report namin, kinuha siya ng aunt niya," sulti sa tinubdan.

Si Marilou, sa laing bahin, nagsulti nga imposible nga naa kini sa Davao, tungod kay iyang anak wa misaka sa eroplano didto sa Manila.

"Wala siya nakasakay sa eroplano pabalik sa Davao so wala na siya sa Davao," sulti ni Marilou.

"Karon (Friday) pauliay ko dra sa Davao," dugang ni Marilou.

Ang airline company wa pa nakapaguwa sa ilang opisyal nga pahayag labot sa insidente.