GIDAYEG sa konseho ang director sa Cebu City Police Office (CCPO) kinsa usa sa Outstanding Filipinos nga gipasiugdahan sa Metrobank Foundation Inc. alang sa tuig 2017.
Si Konsehal Margarita Osmeña maoy niduso og resolusyon alang sa ilang mainiton nga paghatag sa pahalipay ngadto ngadto ni P/SSupt. Joel Doria nga maoy pangu sa CCPO.
Gidayeg usab sa konseho ang epektibo nga kampanya sa CCPO ubos sa direktiba ni Doria nga gitawag og Pakigbatukan Og Sumpuon ang Krimen ug ang Epekto sa Ilegal nga Makadaut ug Makaguba sa Nasod (POKEMON).
Ubos sa liderato ni Doria ang CCPO way hunong sa ilang pagpanakop ngadto sa mga tawo nga nalambigit sa gidiling drugas nga way extra judicial killings.
Si Mayor Tomas Osmeña nidayeg usab sa leadership ni Doria diin matag semana, ang CCPO nag-average og kapin sa P1 milyon nga kantidad sa drugas nga ilang nadakpan. (PAC)