Mongaya: Baha bisan asa sa Metro

ABTIK kaayo nga ma­kabasol sa adminis­trasyon ni Mayor Tomas Osmeña ang mga sakop sa Team Rama karong kusog kaayo ang ulan ug nigrabi ang mga baha.

Moingon sila nga way nabuhat ang mayor sukad nabalik sa City Hall. Samot nga walay nabuhat kaniadtong katuigan siyay mayor sa wala pa makatungtong isip mayor si Mike Rama.

Ambot lang kaha. Di tingale kini sila moagi sa dalan Colon dapit sa Gaisano Main diin naa pay gitrabaho nga proyekto sa drainage.

Akong nasabtan nga tipik kini sa mga drainage project nga dugay na na-approve ug duna nay pundo apan wala gi-implement sa panahon ni mayor Mike Rama.

Dungan sa wala pag-implement sa mga drainage project, nagsigi sab og pagtugot si Rama og mga subdivision sa kabukiran sa Syudad sa Sugbo nga way klarong drainage.

Natural, nakapasamot kini sa baha dinhi sa patag.

Imbes magsigig panaway kining mga sakop sa Team Rama, nganong di na man lang sila motabang? Total layo pa man ang piliay. Na-postpone na gani ang piliay sa barangay.

Hinuon, daw wa makaamgo ang mga sakop sa oposisyon nga kining maong mga proyekto nga gipang-implement ni Mayor Osmeña sigurado man gyud nga mahuman. Kon ila kining babagan o magsigi lang silag panaway, siguradong mawani sila sa passing.

Hazing

Nitumaw na sab kining isyu sa hazing dihang usa ka tinun-an sa University of Santo Tomas (UST) Law ang namatay human gitabangan og kulata sa mga sakop sa usa ka fraternity.

Di gyud ko makasabot niining mga fraternity nganong ilang kulatahon ang mga gustong mopasakop sa ilang brotherhood.

Unya, kon dunay mamatay, mag-iyahay dayon sa panghunaw sa krimen.

Usa sa hinungdan nganong nahimo ko nga student activist kaniadto kay wa ako makumbinser nganong magpabun-og gyud aron ilang isipon nga brod. Kon ma-brod na daw, duna nay motabang kanako sa mga test ug mga assignment. Ug kining pagtinabangay mohangtod pa human sa kolehiyo.

Apan nakabantay ko nga ang mga neophytes, mao man ang gipahimo sa mga assignment sa mga master. Unsa may makuha nako adtong mga master nga utrong bolakbol. Magsigi lang og inom.

Tungod niini, nidesisyon ko nga magtukod og lahi nga kapunongan ug mao kadto ang nahimong core group sa among pagprotesta sa tuition fee hike didto sa Talamban campus sa USC.

Oktubre 28

Naintriga lang ko kon unsay significance sa Oktubre 28 nga mao man ang gipili sa mga organizer sa Binibining Cebu nga maoy petsa sa coronation night. Selebrasyon sab ni sa adlawng natawhan ni kanhi mayor Mike Rama. (@anol_cebu sa Twitter)
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">



style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="4158864647">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph