ANG Ateneo de Davao University (Addu) Lady Blue Knights nakarekober sa unang pildi human gipalukapa, 25-12, 25-10, ang St. Peter's College of Toril sa 2017 Davao Association of Catholic Schools (Dacs) College Sports Festival Volleyball Tournament gihimo didto sa St. Mary's College of Tagum.
Ubos ni Coach Shane Alagao sa Lady Blue Knights napakyas sa pakigkontra sa Holy Cross of Davao College (HCDC) Lady Crusaders, 22-25, 11-25, niadtong Lunes.
Si Alagao, sa Facebook chat sa Sun.Star Davao, miingon nga nagkinahanglan sila og dakong adjustments diin gikonsidera nga unang higayon niya mag-coach sa team.
"We are in the midst of adjustment and some of our players are new in the team. Our spikers are also adjusting because of our new setter. Almost 100 percent of our performance will come from our teamwork," ni Alagao nga naglaum mapanindot pa ang dinulaan sa team hangtud makaabot sa kampeyonato.
Samtang, ang Addu men's football team gipildi ang St. Mary's College of Tagum, 1-0, sa pagpaluyo ni team captain Jonathan Lim nga naka-goal sa 75th minutos.