NIADTONG Sabado sa kadlawon mitaliwan na ang usa sa mga haligi sa Philippine radio industry nga si Joe Taruc sa edad nga 70.
Ang kanhi PTV4 news broadcaster Kathy San Gabriel maoy nihimo sa maong pag-anunsiyo sa kamatayon ni Taruc pinaagi sa iyang Facebook post.
Wa pa matino ang hinungdan sa iyang kamatayon nga gikatahong wa na lang momata gikan sa iyang pagkatulog.
Si Taruc o Manong Joe naila sa pagdumala sa public affairs radio program sa DZRH ‘Damdaming Bayan’ ug kabahin sa sa ‘Pangunahing Balita’ sa maong istasyonan.
Ang Manila Broadcasting Company tag-iya sa DZRH mapasalamaton sa veteran broadcaster sa iyang dakong natampo sa kalampusan sa maong radio station sa iyang upat ka dekada nga pag-alagad.
Taruc maoy amahan sa GMA-7 reporter nga si Jay Taruc. (PEP.ph)