MANILA - Naggikan sa baba ni Organisasyon ng mga Pilipinong Mang-aawit (OPM) President Ogie Alcasid nga over-staying na kuno siya isip pangulo sa maong organisasyon nga ang mga miyembro pulos mang-aawit.
Sukad pa niadtong 2010 si Alcasid nga nahimong presidente hangtod karon.
“Wala kasing gustong maging presidente," matod pa ni Ogie sa dihang nakatsikahan sa pipila ka movie press kaniadtong usang adlaw atol sa mass oath taking sa 12 ka mga Tawag Ng Tanghalan singers nga gipahigayon sa 4th floor sa ELJ Building sa ABS-CBN.
Certified OPM members na sila si Noven Belleza (ang grand champion sa Tawag Ng Tanghalan) kauban ang 11 pa ka singers nga produkto sa ‘Tawag Ng Tanghalan’ nga naglakip nila ni Eumee, Sam Mangubat, Marielle Montellano, Froilan Canlas, “TNT Divas” Gidget dela Llana, Rachel Gabreza, Pauline Agupitan, Maricel Callo, Jex de Castro, Lucky Robles, ug Hazelyn Cascaño.
Matod pa ni Ogie sa kasaysayan sa OPM karon lang kuno nahitabo nga 12 ka bag-ong singers ang nagdungan og panumpa isip bag-ong miyembro sa OPM busa maingon nga historical ang maong panghitabo.
Adunay bag-ong role ang OPM sa pagdawat og bag-ong miyembro. Kaniadto man gud, kinahanglang may plaka ka og may pangalan na praber ka dawatong miyembro pero karon, kung ang pagkanta maoy imong bread and butter og aduna kay kanta nga puwedeng ma-download sa mga down loading platform og may mga videos ka sa social media particularly sa Youtube, puwede ka ng mag-member sa OPM .
Kung miyembro ka na, ayaw og papetiks-petiks kay dili ka bulungan og trabaho o raket o kaha lugar nga makantahan sa OPM kaugalingon mong paningkamot.
Pero kung may problema ka sa legal aspects ilabi na sa royalties, rights sa imong kanta etc etc. anha mo sud ang tabang sa OPM.
Sa kasamtangan, may 500 miyembro na ang OPM og inaasahan nga mas modaghan ang magpa-miyembro niini tungod sa gipayanong critria sa pagdawat nila og bag-ong miyembro.
So puwede nang magpa-miyembro ang wedding singers, mga banda nga may regular nga gigs, bisan singer sa patay (kung mao ni imong gibuhi sa imong pamilya, puwede nang magpa-miyembro).