TUNGOD sa ka-advance sa panahon ilabi na sa teknolohiya, kasagaran sa millenials di na motuo sa mga tuo-tuo sa katiguwangan. Apan aduna’y pipila niini ang makaalim gyud sa atong gipamati.
Ania’y siyam ka mga weird nga trick sa panimalay nga makaayo o makawagtang sa atong mga gipamati.
1. Pag-alimugmog alang sa mga impeksyon sa upper respiratory tract
Kon feeling nimo sip-unon ka. Pag-alimugmog og tubig. Base sa pagtuon nasayran nga dul-an 400 ka healthy volunteers nga nialimugmog og tubig mas minus kini nga magkasip-on ug trangkaso itandi kini sa wala mag-alimugmog.
2. Luy-a para sa lipung-lipong
Kon dagaton ka o kining maglipong ug sukaon sa panahon nga magbiyahe, pagdala og luy-a. Nasayran sa pagtuon nga makatabang kini aron dili ka malipong kon magbiyahe.
Pangpaalim usab ang luy-a sa pangpa-alibyo sa gas sa imong lawas ug indigestion o impatso.
3. Chicken soup alang sa sip-on
Yes, sakto! Makatabang ang sabaw sa manok o chicken soup aron mawagtang imong sip-on. Kini tungod kay mohinay mangud imong neutrophils, ang white blood cells nga maong nakaingon sa acute infection. Kini nagpasabot nga ang sabaw nakatabang aron mokalma ang inflammation nga mao’y naka-trigger sa sip-on.
4. Suka ug alcohol pamugong sa swimmer’s ear
Maka-relate siguro niini ang swimmers, isagol ang suka ug alcohol ug iyabo ang usa ka kutsara sa imong dunggan ug paugha kini. Aron mohunong ang pagkatag sa kagaw niini sa imong dunggan.
5. Apples ug carrots aron moputi imong ngipon
Dili lang siya maayo sa lawas apan makaputi pa gyud sa ngipon. Ineg ka inkit nimo ani ug inig pino sa imong ngipon niini, nagtabang kini nga matang-tang ang discoloration sa ngipon. Anaay malic acid ang apple ug strawberries nga makatabang sa pagpaputi sa ngipon.
6. Dugos alang sa ubo
Di ka ganahan sa lasa sa tambal sa ubo? Ayaw kabalaka tungod kay ang World Health Organization ni-recommend sa dugos o honey aron tambal sa ubo sa bata. Hatagi imong anak og 10 gramos sa honey sa di pa matulog aron malikayan ang ubo.
7. Ice sa imong labad sa ulo
Ang paggamit og ice sa imong ulo o sa imong liog makapawagtang sa labad sa ulo o migraine. Sa pagtuon niadtong 2013, 50 ka tawo ang nigamit og ice dihang gi-migraine sila ug 30 minutos kini nga niubos ang kasakit ug kalabad sa ilang ulo. Dihang ilaha kini gitangtang sulod sa 30 minutos, mas nisaka ang kasakit.
8. Vodka alang sa baho og tiil
Gawas sa alcohol, mamahimo usab nga mogamit kag vodka kon baho kag tiil. Ihumol ang labakara sa vodka ug ipahid kini sa imong tiil. Antiseptic kini ug makapawagtang sa kagaw nga maoy nakaingon sa baho.
9. Duct tape sa imong kunggo
Harmless ra hinuon niining kunggo, kining nitubo sa panit tungod sa human papillomavirus. Apan tungod kay usa kini ka infectious disease, mamahimo kining mabalhin sa laing tawo pinaagi sa pagsikit.
Apan pinaagi sa pag-tape niini, o pag-suffocate sa warts mamahimo kining mawagtang.
Limpyohi ang apektado nga dapit, pagputol og duct tape ug itabon kini sa parte nga aduna’y kunggo. (Tinubdan sa thisisinsider.com)