‘A-Plus VISMIN Pasalamat’ alegre, malampuson

NAKAPADUGANG sa kaaleg­re ang pagtambong ni Sen. Chiz uban sa iyang maanyag nga asawa nga si Heart Evangelista-Escudero sa ‘A-Plus VISMIN Pasa­salamat’ sa dakba­yan sa Sugbo niadtong Hunyo 7.

Ang mga kalihokan gisugdan sa A-Plus Fun Run 2 sa Ayala Center Cebu nga giapi lan sa kapin 800 ka mga tawo gikan sa tanang edad ug kategoriya ug kabahin sa kita niini gidonar sa Asilo De La Milag­rosa Orphanage.

Human sa fun run, ang kompaniya nihimo og medical mission uban sa pag-abag sa Knights of Columbus - Mabolo Council 5308.

Ang highlight sa kalihokan sa pagkahapon mao ang thanksgiving program, “A-PLUS VISMIN Dealers Convention,” diin gihimo uban sa business partners sa kompaniya sa Kabisay-an ug Mindanao.

Si Henry So, presidente sa kompaniya, nipasalamat sa magtiayong Escudero sa paghatag kanila og panahon taliwala sa ilang ka-busy aron pagtambong sa pagsaulog sa kalamboan ug pagsalig sa kompaniya.

Si Sen. Escudero nihatag usab og hamubo nga pakigpulong sa pagdasig sa mga kawani ug nitabang sa pagtunol sa awards and recognition sa top performing partners sa kompaniya.

Si Heart nitabang usab sa pagtunol sa donasyon sa Asilo De La Milagrosa pinaagi sa ilang Directress, Sis. Berta Dulangun.

Ang A-Plus Paints, usa ka house paint brand, nga mapasigarbuong ginama sa Pilipinas ug giapud-apod sa tibuok nasod ubos sa pag-manufacture sa H Colors & Coatings Corp. (PR)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph