ANG duha ka ambungang chinito sa Kapamilya network nag-uban sa usa ka bonggang episode sa Wansapanatym “My Kung Fu Chinito” nga gisugdan sa miaging Dominggo.

Makalingaw kay gawas sa mga maaksyon nga eksena daghan usab kitang makuha nga pagtulon-an ug Filipino values. Malipayon ang duha ka bida nga sa unang higayon nag-uban sa usa ka proyekto.

Way kabutangan sa mga pasalamat ang Richard Yap ug Enchong Dee sa way puas nga pag-atiman ug pagsalig kanila sa estasyon.

Si Richard samtang magpaabot pa kang Juday nga mahimo niyang leading lady sa umaabot nga teleserye, may mga laing offer sab kining giatiman.

Matod pa niya nga andam siyang magpaabot sa queen of teleserye nga makapanganak para masugdan sab dayon ang ilang serye.

Sa laing bahin ang Enchong Dee wala usab mabakante sa trabaho kay gawas ining “Kung Fu Chinito” busy usab siya sa iyang singing career.

Human sa paglusad sa iyang album, nakatutok kini sa rehearsal sa umaabot niyang concert. Ug sa pag-abli sa Pinoy Big Brother ang Enchong usa karon sa mga bag-ong housemate. Puno sa pasalamat ang singing actor sa kadaghan sa mga grasya nga padayong miabot kaniya.

Gawas nilang Richard Yap ug Enchong Dee, makauban sa My Kung Fu Chinito silang Rio Locsin, Marina Benipayo, David Chua, Sofia Andres, Mutya Orquia, Clarence Delgadi ug daghan pa. Ay’g saba.

Sa kadugay na nga panahon nakita nato og balik ang John Lloyd Cruz sa longest drama anthology kagabii sa “Maalaala Mo Kaya.” Partner niya ang ka loveteam niya sa “Tabing Ilog” ang guapang si Kaye Abad.

Nakasiguro kong pwerting pag­katagbaw ninyo ni Loydie kagabii kay human sa sitcom nila ni Toni Gonzaga sa “Home Sweetie Home” nga nagpakatawa ninyo gisundan usab kini sa madramang “Maalaala Mo Kaya.”

Unya makita pa nato pag-usab si Lloydie sa lain pang episode sa MMK.

Aduna kini usa ka episode matag buwan sa sunod nga tulo kabuwan mao nga magtagbaw usab ta sa ipakitang akting ni John Lloyd Cruz.

Gihimakak na ni Loydie ug sa uyab ining si Angelica Panganiban nga buwag na sila. Gani nag-uban pa ang duha sa birthday sa actor, apan ang pangutana nganong wala man mahanaw ug padayon gihapon ang mga tsika nga break na gyud ang duha? Ngano? Ay’g saba!