LAUMAN ang init nga binukbukay tali two-division world champion Timothy "Desert Storm" Bradley Jr. ug undefeated WBA super lightweight champion nga si Jessie Vargas.
Sa gihimong weigh-in kagahapon pulos mitimbang og 146.4 pounds sila Bradley ug Varges alang sa ilang away karon nga himuon sa StubHub Center sa Carson, California.
Tangag sa ilang 12-round bout ang interim welterweight title.
Ang 31-year-old nga si Bradley may rekord nga 31 ka daog, usa ka pildi ug dose ka knockouts samtang ang 26-anyos nga Mehikano nagpabiling way pildi sa iyang 26 wins ug siyam ka daog pinaagi sa knockout.
Kompiyansa ang Amerikanong boksingero nga siya ang unang makapildi sa Mexican boxer.
Si Vargas maoy manok sa kanhi kampeyon nga si Erik Morales.