GITAKDANG mobalik sa United States ang kanhi eight division titleholder nga si Manny Pacquiao alang sa iyang follow-up exam kang Dr. Neal El Attrache, usa ka inila nga orthopedic surgeon.

Suma ni Top Rank promoter Bob Arum, posibleng sa Hulyo 4 ang petsa sa check-up ni Pacquiao.

"Manny is coming over to see the doctor and then he will start his serious rehab. He will stay here for probably about two weeks and then he will go back to the Philippines. One of the rehab guys will go with him to make sure he is doing his rehab program the right way."

Una niini, mipailawom ang Pinoy ring icon sa usa ka surgery alang sa iyang torn rotator cuff sa tuo nga abaga human mapildi pinaagi unanimous decision kontra ni Floyd Mayweather Jr. niadtong Mayo 2.

Gipahibawo ni Arum nga okay na ang kahimtang ni Pacquiao. Suma pa nga posibleng sa unang kuwarter sa 2016 makabalik sa ring si Pacman.