ANG Bureau of Internal Revenue (BIR)-Davao pinaagi sa ilang Oplan Kandado program temporaryong misirado sa seafood restaurant kagahapon sa hapon tungod sa kapakyas sa pagbayad sa buhis sa gobyerno.
Si Rodrigo Lizada Rivamonte, Revenue District Officer sa press conference kagahapon, nagkanayon nga sila nakakita og basehan nga sirhan ang Afhat Seafood Restaurants 1, 2 ug 3 human ilang tag-iya dunay P31 million nga value added tax (VAT) liability sud sa tulo ka tuig gikan 2015 hangtud 2017.
Siya nagsulti nga maglusad sila og oplan kandando kung dunay wa gibayran nga buluhisan.
“We conduct Oplan Kandado if there is 30% under-declaration. There are three other ways to close the establishments: first, the lack of registration; second, is the non-issuance of receipts and invoices, and the third one, is misdeclaration. We have been here in the past ten days and we have conducted covert surveillance wherein we have tried to monitor their daily sales and apparently it failed to comply with the 30 percent under-declaration,” suma niya.
Giingon niya nga naglusad sila og mga pagpaniid sa mga establisemento diin ilang sulayan pagsusi ang ilang inadlaw nga halin ug kung mapakyas sila pagbayad sa buluhisan, pasirhan kini sa BIR.
Ang opisyal nagkanayon nga sa kaso sa maong restawran sa 2017, dunay 64 porsyento nga under declaration, 67 porsyento under declaration sa 2016, ug 64 porsyento under declaration sa 2015.
Siya nagkanayon nga ang tag-iya napakyas sa pagdeklara sa P63 million sa tuig 2015, P74 million sa 2016, ug P17 million sa unang kwarter sa 2017.
Giingon nga ang P31 million nga buluhisan gilangkuban sa P13 million sa 2015, P14. 2 million sa 2016 ug P3.2 million sa unang kwarter sa 2017.
Ang BIR dinhi sa rehiyon naghatag lima ka adlaw nga tagal sa tag-iya nga mobayad sa angay nga bayrang buhis sa gobyerno aron maablihan pagbalik ang ilang restawran.