ANG paglingawlingaw sa magsuong babaye natapos sa usa ka trahedya.

Namatay ang maguwang nga babaye human malabay gikan sa iyang motorsiklo ug naligsan sa usa ka 10-wheeler delivery truck sa Pag-Utlan Road, Yati, Liloan kagahapon sa kaadlawon.

Namatay diha-diha si Madel Salinas human malatayi ang iyang lawas sa delivery truck.

Ang driver nga si Roberto de Gracia, 58, ni-surrender pagkahuman sa kapulisan.

Matod ni SPO1 Andrew Arellanos, imbestigador sa Liloan Police Station, possible nga ang trak ni de Gracia nisulod sa pikas lane dihang naigo sa atubangan ang motorsiklo ni Salinas.

Nisulti si De Gracia ngadto sa mga pulis nga wa siya masayod nga siya nakaigo hangtod nga nakadungog siya og di ordi­naryong paka gikan sa iyang mga ligid.

Siya nagtuo nga dunay mga bato busa siya nihunong ug nisusi. (Sun.Star Cebu)