PORMAL paga-ablihon ang usa na sab ka edisyon nga Kuyamis Sportsfest karong Mayo 5 sa Don Gregorio Pelaez Sports Center.
Mismo si Misamis Oriental governor Yevgeny Emano ang mobukas sa gikahinahinam nga sportsfest sa probinsya.
Nisaka na sa 21 ka local government units sulod sa lalawigan ang nisalmot sa walo ka bulan nga sportsfest.
Mga bag-o niapil mao ang mga munisipyo sa Balingoan, Lugait ug Sugbongcogon ug ang dakbayan sa Gingoog.
Ang namalik mao ang munisipyo sa Claveria ug Opol.
“Dako among kalipay nga nadugangan og entrante sa Kuyamis sportsfest labina katong namalik,” ingon si Kuyamis sportsfest commissioner Prexy Elipe.
Ang padayon nisalmot mao ang mgamunisipyo sa Alubijid, Binuangan, Gitagum, Initao, Jasaan, Lagonglong, Laguindingan, Libertad, Magsaysay, Manticao, Naawan, Salay, Tagoloan, Villanueva ug Talisayan.
Modagan sa walo ka bulan ang gikahinamhinaman nga sportsfest sa probinsya ug mahuman sa bulang Enero sunod tuig sabay sa pagsaulog sa Kuyamis Festival.
Ang sportsfest adunay duha sports events nga mao ang basketball ug volleyball.
Naay upat ka kategoriya sa basketball nga mao ang LGU open, under-25, under-18 ug under-14.
Sa volleyball, anaay men and women’s open ug naa sab under-18 category.