Monorail sa Lapu-Lapu?

NIPADAYAG sa iyang suporta si Presidential Assistant for Visayas Micheal Dino sa tinguha nga magbutang og monorail project sa Mactan.

Atol sa iyang keynote speech sa battle re-enactment sa Kadaugan sa Mactan kagahapon sa buntag sa Liberty Shrine, Lapu-Lapu City, si Dino nagkanayon nga nahibaw siyang adunay mga entidad nga mo-propose unya sa monorail project aron katabangan ang kahuot sa trapiko sa isla.

“I know within Mactan, medyo traffic na mayor (Paz Radaza) no? I know there’s a consortium also who is going to propose a monorail here sa Mactan. And I promise you, I will support that,” padayag ni Dino.

Wa na gidetalye pa ni Dino ang kalabot sa maong monorail project.

Birada batok Osmeña

Sa maong kalihukan, way kukahadlok nga nipadayag si Dino sa iyang pagsaway sa Bus Rapid Transit (BRT) nga giduso ni Mayor Tomas Osmeña sa dakbayan sa Sugbo.

Wa man niya giyawit ang pangan ni Osmeña, apan klaro kaayo nga kini iyang giigo sa iyang mga birada atol sa iyang pakigpulong atubangan sa mga opisyal sa dakbayan ug mga nanambong sa maong kalihukan.

“We need an effective and efficient mass transport system. Please do not give us a mass transit system that will, in fact, will create more chaos and havoc sa ato-ang narrow streets," ni Dino sa iyang keynote speech. (JPP)