SECTIONS
Saturday July 21, 2018

Lalaki napalgang anaa na sa pagkadugta

ANAA na sa pagkadugta ang patay'ng lawas sa usa ka lalaki nga napalgang wala nay kinabuhi sulod sa balay ninii sa Barangay Tablon, dakbayan sa Cagayan de Oro.

Ang kapulisan walay nakitang foul play sa kamatayon ni Mark Tedlos human gituohang giatake lamang kini sa iyang natural nga sakit.

Giingon sa kapulisan sa Police Station (PS) 10 sa Cugman nga ang iyang mga silingan sa biktima nakamatikod niini nga gasige kini og uboha.

Usa na ka adlaw wala nila namatikdan nga nakagawas sa balay ug Biyernes lang ilang namatikdan ang dili maayong baho gikan niini.

Pagsusi, napalgan ang patay'ng lawas nga gituohang lapas na sa usa ka adlaw nga namatay.

Ang kapulisan miabiso sa pamilya sa biktima nga kung aduna silay mga pagduda ipaubos kini sa otopsiya taliwala wala silay mga nakitang foul play sa kamatayon sa biktima. Intak pa usab ang iyang mga gamit sulod sa balay sama sa cellphone ug uban pa. (SVB)


VIEW COMMENTS