PSC mosuporta sa Mayor James Gamao Nat’l Invitational Tennis Championship

ANG Philippine Sports Commission (PSC) mosuporta sa Merco-Selecta-presented Mayor James Gamao National Invitational Tennis Championship 2017 sa Oktubre 19 hangtud 22 diin ang Panabo City mag-host.

"And we would like to inform you that Chairman William "Butch" Ramirez of Phil Sports Commission supports the Mayor James Gamao National Invitational Tennis Championship 2017," kini ang pahayag ni Tournament chairman Anthony Ferrazzini, kinsa Presidente sab sa Mercantile Corporation (Merco) atol sa gipadalang email kagahapong adlawa.

Moabot sa kinatibuk-an P150,000 ang premyong kuwarta ihatag sa mga modaug diin ang mabulsa sa men's single champion kay P30,000 ug tropeyo, runner-up P20,000 ug tropeyo samtang ang mga semi-finalist makadawat og P10,000 matag usa ug ang mga quarter-finalist dunay tig-P5,000.

Samtang sa men's doubles, ang mohari mouli og P20,000 ug tropeyo, runner-up dunay P10,000 ug tropeyo dayon ang mga semi-finalist makakuha og P5,000 matag pares ug quarter-finalist P3,000 matag pares.

"Panabo has new tennis twin courts and Mayor Gamao is very receptive to hosting the men's invitational tournament that will feature the country's top players."

Sa milabay nga lima ka editions sa matag tuig nga kompetisyon gihimo sa siyudad sa Davao. Dugang ni Ferrazzini nga si Johnny Arcilla sa Butuan City mobalik aron modepensa sa iyang singles ug doubles nga mga titulo. Kauban sab niya ang beteranong internationalist Patrick John Tierro, Leander Lazaro, Davao City's Mark Anthony Alcoseba, John Mari Altiche, Noel Mariano Damian Jr., Elbert Vicente Anasta ug Fritz Chris Verdad. Magkontra sila alang sa premyong kuwarta sa round-robin format, free-registration event.

Ang mga Manila-based netters maabot sa Oktubre 18 ug dunay press conference sa ilang pag-abot didto sa Hotel Elena. Ang event kay round robin system nga walay registration fee samtang si Boy Diong ang tournament director.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph