ANG Agribusiness firm nga Vitarich Corporation nag-inagura niadtong Oktubre 13, sa ilang P250-million state-of-the-art feedmill facility sa Panacan, Davao City nagtugot sa kompanya nga makabaton og mas epesiyente nga operasyon.
Ang feedmill plant usa ka bag-ong moderno nga automated plant, nga makaprodyus og animal feeds nga 10 tonelada matag oras o 100,000 ka sako nga tag 50 kilos matag sako.
Ang Vitarich Corp. nakigtambayayong sa Davao South Feedmill Corp. niining maong paningkamot.
Nag-inagura sa moderno nga planta nagtinguha sa pagtabang sa Mindanao farmers sa pagseguro nga makakuha sila og animal feeds nga produkto.
Sa iyang mensahe, si Davao City Mayor Sara Duterte-Carpio, pinaagi sa iyang representante, Councilor Bai Halila Sudagar, nagtimbaya sa kompanya ug ilang partner samtang ang ekspansyon sa pasilidad maoy pruweba sa paglambo agrikultural nga patigayon sa kompanya dinhi sa siyudad.
Siya usab midayeg sa di lang paghatag kontribusyon sa nasyunal nga ekonomiya sa nasud, apan usab nagsuporta sa mga mag-uuma sa Mindanao nga mahimong business-oriented nga indibiduwal.
Ang planta nagbukas sa automated feedmill facility alang sa paggama og feeds.
Tanang proseso, lakip na ang grain cracking awtomatiko nga himuon sa makina.
Ang makina gidistribyut sa Buhler, usa worldwide provider sa state-of-the-art technologies ug methods alang sa paggaling og feeds.
Si Annabelle Go, plant's officer-in-charge, nagkanayon nga ang makina kompleto sa sight glass, nga maghimo sa feeds.
Naghimo sa makina nga user-friendly mao ang pagbutang usab og built-in filter bag, mao nga ang proseso limpyo kaayo ug way abog.
Ang planta dunay pito ka andana nga dunay "head" sa makina nga nahimutang sa 7th floor.
Si Go nagkanayon nga ang bisan lisud kini nga atimanon, ang personahe nga mapadagan sa makina naa lang sa ground floor, sanglit ang pagbubo lamang sa materyales ang nagkinahanglan og tawo pagproseso sa feeds.
Si Vitarich President and Chief Executive Officer Ricardo Manuel Sarmiento, sa iyang bahin, nagpasalamat sa Department of Agriculture sa pagsuporta sa maong paningkamot bisan nag-atubang sila og kalisdanan sa milabay nga mga buwan, tungod sa suliran sa bird flu.
"We acknowledge and thank the timely and acting fast by the Department of Agriculture in containing public reaction to the scare," suma niya.