ANDAM ang pamilya Tingcang nga biyaan ang ilang pinuy-anan sa Purok 16 Kiwalan, Dakbayan sa Iligan, tungod kay aminado man sila nga dili sila ang tag-iya niini.
Sa paghinabi sa SuperBalita ngadto sa usa ka membro sa pamilya, bisan tuig 1970 pa ang iyang mga ginikanan namuyo sa dapit, tugon sa iyang namatay nga amahan nga mohawa kung gamiton na kini sa LaFarge.
Hangyo lamang sa lumulupyo nga kun ugaling mo-grabe pa ang kagubot tali sa pamilya Sarip ug sa LaFarge, makabantay usab sila aron makapahawa sa dapit ug dili maangin sa kagubot.
Miingon ang pamunuan sa LaFarge nga andam ug interesado ang 22 ka mga pamilya nga ma-igo sa himoong "access road" nga mobalhin sa usa ka relocation site diin gasto tanan sa kumpanya.
Kahinumduman nga nireklamo ang pamilya ni Sultan Macasalong Sarip, chieftain sa Kiwalan, nga mopasaka og reklamo batok sa pamunuan sa LaFarge Iligan Inc. tungod sa paghasi sa ilang pamilya.