GIHAWOD sa Larry Dumadag Team A ang 26th Barroso Cup Chess Open Team Rapid Tournament niadtong Domingo, Oktubre 15, didto sa Bukidnon State University Auditorium, Malabaylay City, Bukidnon.
Sa individual open, nikampeyon ang pambato sa Malabalay nga si Ronnie Pujas ug National Master (NM) Levi Mercado sa Cagayan de Oro atol sa rapid ug blitz category.
Naangkon sa Dumadag A ang team title agi shut-out nga kadaogan batok sa Bear Brand Team nila Johnnel Balquin, Eutemio Coquilla ug Edward Tare sa kataposang sixth round.
Nihuman ang Dumadag A, gikomposar nila Nazario, Christopher Randolph Dalauta ug Paciano Gulle, og 11 puntos nga adunay lima ka daug ug usa ka tabla aron angkonon ang team title.
Hingpit nagsunod ang Last Samurai sa ikaduha nga adunay 10 puntos, samtang naa sa ikatulo ang Team Orbe Pagadian nga anaay siyam ka puntos.
Unom sab nga nagsalo sa ikatulo paingon sa ikawalo nga pwesto nga ang Team Orbe Iligan, Larry Dumadag B, DPWH-DCDEO, Royal Knights, Bear Brand ug Bupharco Knights nga adunay walo ka puntos matag usa.
Nadepensahan sab ni Pujas ang iyang balwarte human giangkon niya ang rapid individual open agi pagpilde kang Harrison Maamo sa Davao sa kataposang eighth round.
Nihuman si Pujas nga adunay pito ka puntos, pito ka daug usa lang ka pilde gikan kang NM Rustum Tolentino.
Nisunod si Balquin sa ikaduha nga adunay susama nga iskor apan pilde siya og tie-break kang Pujas.
Nagtipok sab ila Tolentino, Maamo, Reynaldo Quinonez ug Mercado sa ikatulo paingon sa ikaunom nga pwesto nga adunay 6.5 puntos matag usa.
Daug sab si Mercado sa blitz event human gipilde niya si Jones Maghuyop sa tie-break points.
Nagtabla sila sa kataposang round apan solong naangkon ni Mercado ang titulo agi sat as tie-break points batok kang Maghuyop.
Nagunod sab sila Balquin ug Toletino sa ikatulo uga ikaupat nga pwesto, sunodsunod, nga parehas adunay lima ka puntos matag usa.