TIGIAN na ang Mayor James Gamao National Invitational Tennis Championship 2017 nga gisuportahan sa Philippine Sports Commission (PSC) didto sa siyudad Panabo.
Apan di makaduwa ang tournament defending champion nga taga-Butuan City nga si Johnny Arcilla tungod na-injured ang bukton nga matud pa niya nasobrahan og gamit sa pagduwa.
Luyo niini, dili mokompiyansa si top-ranked Patrick John Tierro nga siya ang mahimong kampeyon sa kompetisyon.
"Di naman sure, everyone went here nagprepare para dito. Kung sino maganda ang laro siyempre siya ang manalo."
Samtang ang mga bag-ohan nga sila John Marie Altiche nga pambato sa Valenzuela ug taga-Cebu nga si John Seno naghinam-hinam na makaduwa.
"We're expecting to step up our level since we're playing the top players in country and it's also great opportunity for me especially to be part of this tournament," pahayag ni Seno.
Bahin ni Altiche, "it's an honor na makasali sa tournament ito kasi top players lang ang makasali dito, masarap na makalaro ang mga dating mong idol."
Ang laing moduwa mao sila Leander Lazaro, Mark Anthony Alcoseba sa Davao City, Noel Mariano Damian, Jr., Elbert Vicente Anasta, John Bryan Otico, Michael Accion ug Fritz Chris Verdad.
Moabot sa P150,000 ang kinatibuk-ang premyong kuwarta ang ihatag sa mga modaug sa kompetisyon nga gipresenta sa Merco ug Selecta ug gisuportahan nila engineer Glenn Olandria, Bioxtend, Stronghold Insurance, Swiss Deli, Mamma Marias by Paul Abao, Rocky's Barbershop by Timtom Gempesaw, Asiatraders, Slazenger ug Dunlop.