WAY laing paagi sa pagsabot sa Pederalismo kaysa lawom ug maayong diskusyon.
Sa iyang paningkamot nga matabangan ang gobyerno sa pagmugna og dugang kahibalo ug pagtugot sa komunidad nga makasabot unsa ang Pederalismo, ang University of Mindanao – Professional Schools naglusad niadtong Sabado, Oktubre 14, sa colloquium labot giduso nga porma sa gobyerno sa kasamtangan nga administrasyon ni Presidente Rodrigo Duterte.
Ang colloquium, nga gihimo sa Professional schools Lobby, Matina Campus, Davao City naglambigit sa kapin 200 ka faculty ug estudyante sa nagkadaiyang program, barangay functionaries ug pipila ka community members sa gisagop nga barangay sama sa Barangay Magtuod, Maa, ug 76-A Bucana ug mga mipartisipar nga programs ug industry partners.
Sila federalism advocates, Dr. Adrian Tamayo ug Arch. Chito Gavino, kinsa managsamang dunay kahibalo sa topiko mipaambit sa hisgutanang pederalismo sa nasyunal ug lokal nga arena ang giimbitahan isip mga dinapit nga mamumulong.
Si UM Professional Schools Community Extension Coordinator Gerlieta S. Ruiz nagkanayon nga ang tumong sa maong kalihukan mao ang pagdasig sa mga estudyante ug magtutudlo nga makahimo og mas lawom nga kaalam labot pederalismo.
“To create an environment of positive engagement to develop expertise on the concept,” dugang niya.
Usab, siya mipaambit nga kini nagkontekstuwalisa sa proseso sa pederalismo sa public administration, business administration ug economics, popular nga edukasyon ug estraktural nga kalamboan niini.
Ang kalihukan usa ka proyekto sa UM-Professional Schools isip usa sa mga rekisitos sa reaccreditation sa ilang mga programs ilawom sa supervision ni Dean Eugenio S. Guhao, Jr., D.M.