PANABO CITY, Davao del Norte - Top-ranked men's player Patrick John Tierro sa Subic nakuha ang unang daug apan ang 10th seed si Michael Accion sa Davao City ang miilog sa pagtagad human nagpakurat siya sa Mayor James Gamao National Invitational Tennis Championship 2017 opener sa pagpildi, 6-3, 4-6 (10-4) kang third seed Ilonggo Vicente Alberto "Onyok" Anasta didto sa city twin courts niadtong Huwebes.
Ang 21 anyos nga si Accion, kinsa taga-Toril, miingon, "Gibuhos nako tanan sa super tiebreak. Ako lang jud gigunitan akong serve, wala nako siya gipa-break."
Niya pa nga nindot ang gibati dihang napalukapa niya si Anasta kinsang kalaban niya sa mga milabay nga tuig.
Ang duruha parehong nagduwa sa bracket B, kauban sila Fritz Verdad, John Altiche ug John Bryan Otico.
"Lami ang feeling kay unsa lang god ko wala man koy ranking pero na-upset nako ang isa sa rated players nato run," ang National University varsity scholar miingon sa Sun.Star Davao sa interbyu human sa duwa.
Si Accion, kinsa graduating sa Sports Management on November 20, naglaum makaabot sa semifinals sa kompetisyon gipresenta sa Merco and Selecta ug gisuportahan sa Philippine Sports Commission, Engr. Glenn Olandria, Bioxtend, Stronghold Insurance, Swiss Deli, Mamma Marias by Paul Abao, Rocky's Barbershop by Timtom Gempesaw, Asiatraders, Slazenger ug Dunlop.
Sa bracket A, Tierro misalig sa iyang ekperensya human nakalingkawas kang Jan Godfrey Seno sa Cebu, 6-3, 6-4.
Ang duruha pareho mihimo og serye nga tabla apan gibuak ni Tierro sa unang set.
Misulay si Seno nga makarekober sa ikaduhang set apan daghan na siya og sipyat hinungdan gipahimoslan ni Tierro ang duwa nga round-robin format group eliminations.
"I just got lucky I guess," ni Tierro, midugang nga ang magduduwa gikan sa Bogo, Cebu mihimo og krusyal puntos.
Matod sa Davis Cup beterano, "He (Seno) played well naman eh, good serves.. yun lang nag-error sya sa important points. Kasi difference namin isang break lang, nag-error sya so nag capitalize lang ako. Nagbawi lang din ako sa serve ko."
Gidayeg sab niya ang 18 anyos Seno, "a lot of potentials" being young but Tierro added the latter needs "to be more focused on important points and practice his strengths more".
Bahin ni Seno miingon nga usa ka dungog nga makalaban ang kuyaw beterano, "naay mga points kailangan jud kapitan."
Anaa sab sa bracket A sila Davao City's Mark Anthony Alcoseba, Noel Mariano Damian ug Leander Lazaro.
Lazaro nakarekober sa unang set pildi aron malampaso si Alcoseba, 3-6, 6-3 (12-10) samtang gipayakbo ni Damian si Seno, 6-4, 6-1, ug Verdad daug batok Altiche, 6-1, 6-2.
Ang duha ka magduduwa nga manguna sa matag gurpo ang maoy abante sa semifinals sa men's singles padulong sa kampeyonato. Samtang ang doubles event sa torneyo nga ang kampeyonato himuon sab sa Dominggo.