GIBALHOG sa selda sa San Pedro Police Station ang usa ka 20-anyos nga lalaki sa alegasyong nanguot og lubot sa usa ka dalagita.
Ang insidente nahitabo alas 11 sa buntag niadtong Huwebes didto sa Marfori Street, Bankerohan Public Market, Barangay 5-A, siyudad sa Davao.
Midangop sa Women and Childrens' Protection Desk (WCPD) sa San Pedro police ang usa ka "Rachelle" (bansagon gitago), 16, nagpuyo sa Quarry, Bankerohan.
Sa impormasyon nga nakalap sa SuperBalita, giingong nagtindog lamang ang biktima sa palengke dihang kalit giduol sa usa ka hubog nga si alyas "Daroy," 20-anyos.
Walay duha-duha, kalit gisagpo ni Daroy ang lubot sa dalagita ug nauwaw kini gumikan daghan ang mga nakakita.
Sa kauwaw sa dalagita, dali kining nagpahibalo sa mga pulis nga nadestino sa palengke, ug gipangdala sila sa presinto dos.
Depensa sa suspetsado nga wala niya tuyoa ang sa ingon sanglit nasaghiran ra suma pa sa iyang kamot ang sampot sa dalagita.