SECTIONS
Sunday, September 22, 2019

Luzano: Marawi, piman a tedda't - Gubat

PIMPIMAN a ladawan – pasdek ti negosyo ken residensia, nagbanag a rurog gapu iti gubat. Awan nakatakder a pasdek a limpio. Pasig a linnulussok ti bala ken pinirsa-pirsay ti bomba iti nasurok 149-days a Marawi siege. Nasuroken a sangaribu ti natay iti benneg dagiti terorista, sibilyan ken pwersa-militar/PNP. Iti kaudian a bilang…addan 162 ti soldado a nagbuwis ti biagda.

Sabali pay ti bilang dagiti kameng ti PNP. Adu dagiti otoridad ti nasugatan nga iti agdama ket agpapaimbagda pay laeng. Ket kadakuada a natumba iti pagbabakalan…piman met dagiti naulilada. Nupay saan nga agbaybay-a ti gobyerno…dinto maikkat ti lamma daytoy a gubat uray manonton a henerasyon ti sumangbay ken lumabas. Adu ti imbungana a sugat, piglat, saem, saning-i ken sakit ti nakem. Ngem kangrunaan iti amin, mangibati daytoy iti adal ken kinapudno panggep iti di pagkikinnawatan a timon ti riribuk ken pannakapukaw ti respeto ken takder a panagmaymaysa koma iti babaen ti maymaysa a bandera ti Pilipinas. Kuna ngarud ni Pres. Duterte¨Ang pangako ko kay Allah…hindi na ito mauulit!”

***

Marawi Siege... dinton maulit pay! Nadagsen a kari ti impir-ak ni Pres. Duterte iti sango mismo dagiti soldado, pulis ken Maranao iti maikapito a bisitana iti Marawi City itay nabiit. Iti pakabuklan ti mensahena... insapatana kenni Allah a dinton maulit ti gubat sadiay Marawi iti sadino man a paset ti pagilian. Dinton maulit a mabaybay-an dagiti terorista wenno umili nga agurnong iti armas tapno aramatenda kontra gobyerno. “Huwag na natin itong ulitin kailanman. Sa panahon ko, hindi ako papayag,” impaganetgetna. Ammona a kasla namaysaan dagiti terorista ti gobyerno ta nakapag-urnongda pay iti armas ken bala ken aminen a ramit iti naplano a terorismo. Malagiptayo pay ti basnot idi ti presidente nga adda kano dagiti tattao (sibilyan ken pulitikos) ti nagbaybay-a ken timmulong pay kadagiti terorista. Nairaman iti banatna idi ti drug money a possible kano a naaramat tapno mapapigsa pay ti kapabilidad dagiti kalaban ti gobyerno. Dagita a banag ti puntirya itan ti Duterte Administration tapno dinton maulit pay ti Marawi siege.

***

Naasian ni Pres. Digong iti naimatanganna a ladawan kadagiti evacuees idi binisitana manen ida itay nabiit. Nariknana ti nadagsen a parikut para iti masakbayan dagitoy manipud iti agdama a panagur-urayda a makasubli iti kasisigud a panagbiagda. Ket kagiddan dayta a karirikna ti presidente, isu a mismo ti nangisa iti wagayway ti Pilipinas ken nangidaulo iti panagkanta iti “Lupang Hinirang”. Ditana metten nga indeklara ti “Liberasyon” ti Marawi manipud iti kuko dagiti terorista. Inna inabrasa ken sinaludduan dagiti kameng ti puwersa ti gobyerno nga agingga kadagitoy a panawen ket makirinrinnupak pay laeng kontra kadagiti sumagmamano laengen a natda a Maute-ISIS. Kinapudnona, indiayana pay ti pabor ti gobyerno kadagiti terorista a sumukoda laengen tapno mangabaruanan. Simmigunda met ti AFP: sumuko wenno matay!

***

Napigsansa ti kararag daydi lolok para iti diaya ni Digong nga isusuko koman dagiti terorista. Agasem…kalkalpas ti Marawi visit ti presidente... addan dagiti simmuko. Wen, talloda pay. Ngem sakbay ti isusukoda... napapatay pay nga immuna ti 12-a kaduada nupay nasugatan met dagiti sumagmamano a soldado iti dayta a ranget. Ala, intay man busisien ti imbunga ti kararag daydi lolok a saan a pimmasa a katipunero idi panawenna ta awan buneng ken kallugongna. Kutsilyo ken palos laeng ti armasna. Sige…subliantayo dagiti simmuko: kasinsin a mismo ti napapatay a lider ti ASG ken Emir iti ISIS iti Asya a ni Isnilon Hapilon ti simmuko ket intugotna pay ti dua a kaduana a bandido. Binigbig ti military dagiti simmuko a kas sumaganad: Ben Salima Sapilin (ti kasinsin ni Hapilon) ken dua pay a kaduana a da Rami Ben sapilin Attik ken Muhamad Ending alias Aburayhad. Dagiti simmuko ket pasurot ti notoryus a ni Commander Furuji Indama, lider ti Abu Sayyaf a nakabase iti probinsiya ti Lanao. Insuko dagitoy ti armasda a pakaibilangan ti maysa nga M16 rifle, maysa a cal. 30MI garand rifle nga addaan kakuyogna a magazine ken tallo a rounds ti bala ken maysa nga M79 rifle. Maipalagip a da Hapilon ken Omar Maute ket napapatay ti military assault operation.

***

Iti pannakapilay dagiti terorista iti Marawi gapu iti pannakapapatay kadagiti nangangato a liderda…mabalin a bassit laengen a panawen ti matagtagiuray, mabalin a agleppaston ti gubat, kuna dagiti analyst. Ngem ti met iyamak ti dadduma…kasanon no agibales ti puwersada kadagiti sabali pay a paset ti Mindanao? Kaawatan ngata a dipay maibaba ti naideklra a martial law dita Mindanao? Ni laeng presidente ti makasungbat iti dayta ,apo. Ngamin pudno a ditay maikkat ti atap nga adu pay dagiti terorista iti nadumaduma a paset ti pagilian. Total, narugian met laengen ti gobyerno ti addangna kontra terrorismo, maymayat kano no itultuloynan. Saludsod: Kasano kano no inton malpas ti termino ni Digong ket dipay nalpas ti parikut iti terorismo…ania ngatan ti mapasamak? Awan dumana dayta iti saludsod ti kaadduan: no awanton ni Duterte, kasanon ti inrugina a laban kontra illegal a droga ken kriminalidad? Masungbatanto amin dagitoy inton nalpasen ti termino-Duterte. Wen aya!

***

Apay ngata nga iti report ti AFP ket mapan kano iti ennem wenno walo a gangannaet dagiti kadua dagiti Maute a lumablaban pay laeng idiay Marawi? Kasanoda a nakastrek ken kimmappon kadagiti terorista ti pagilian? Uray pay kunaen a gapu iti impluensiya ni Hapilon a maitudtudo a nangato nga opisyal ti ISIS iti Asya…kasano ngata ti pannaka-recruit dagitoy a foreign terrorists? Iti panagkitami, pards... adda maitulong a sungbat daytoy sumaganad a pagteng: babaen iti NBI, inlatagdan ti kaso iti DOJ kontra iti natiliwda a misis (Pilipina) nga agar-aramat iti internet ken social media tapno iwarasna ti Islamist extremist propaganda ken AG-RECRUIT kadagiti gangannaet nga umay ditoy Pilipinas ken agisayangkat iti terorismo. Ti kinasuan ti NBI ket nabigbig a ni Karen Aizha Hamidon, 36, tubo ti Zamboanga ngem nayanak sadiay Quezon City. Naammuan ti NBI a ni Hamidon ket asawa daydi Mohammad Jaafar Maguid alyas Abu Sharifa ken Tokboy a napapatay ti kapulisan idi January, 2017. Daytoy ti lider ti Ansar Khalifa Philippines, ti grup;o a responsible iti Sept. 2016 Davao Night Market bombings. Ti nagbalin met nga asawa ni Hamidon ti Singaporean national a ni Mohammad Shamin Mohammed Sidek a naaresto met laeng gapu iti pannakainaigna iti ISIS. Nakasuanen ni Hamidon iti 14-counts ti inciting to rebellion or insurrection ken adu pay a kaso. Saludsod: adda ngata pakainaiganna iti kinaadda dagiti foreign terrorist ditoy Pilipinas nangruna dita Marawi? Haayy biag... adu pay ti solbaren ti Duterte Administration. Agalertotayo laeng ken sumurot kadagiti paspasamak iti agdama agingga iti masakbayan.

Please share your experience with lolo Doro “Jimmy Luzano" aka Mr. Cariñoso as we celebrate 50 years in the industry. Send at 0928-506-5269.

Thank you, Adios mi amor... ciao, mabalos!
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">



style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="4158864647">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph