Meditalk: Ang mga kosmetiko ba nga “hypoallergenic” mas maayo?

DEAR Dr. Fritz,

Nanghinaut ako nga moabot kining akong sulat kanimo, dok, nga anaa ka sa maayong panglawas. Tawga lang ko og Connie, the Scorpion Girl. Nisuwat ako kanimo, dok, kay aduna akoy gusto ipangutana mahitungod sa mga ipahid sa nawong ug sa lawas. Naa man gud koy mabasahan nga gibutangan og “hypoallergenic”. Nagpasabot ba kini, dok, nga mas maayo ang maong mga produkto, kung ikumpara niadtong walay label nga “hypoallergenic”? Na-interesado ako niini, dok, kay alerdyekon tawon ko. Mao nga gabantay-bantay gyud ko sa mga produkto. Dili ko basta basta nga manghidhid.

Daghang salamat sa imong atensyon ug pagbasa. More power kanimo, dok.

Connie, the Scorpion Girl

***

Dear Connie,

Kana bitaw nga mag-shopping ta sa mga kosmetiko ug mga produkto nga pang-atiman sa panit, kasagaran nga makakita ka og mga label nga gitatakan og “hypoallergenic. Kini nagpasabot nga mas dili kini mohatag og alerdyi kung ikumpara sa uban nga mga kosmetiko. Nagasugyot usab kini nga ang maong mga produkto mas banayad ug mas dili makadaut sa panit.

Apan, ang problema lamang niining paggamit sa termino nga “hypoallergenic” kay walay regulasyon sa balaod nga nagakontrolar sa paggamit sa pulong nga “hypoallergenic”. Mao nga anaa ra gayud kana sa nagahimo sa maong produkto kung tatakan ba niya ang iyang produkto og hypoallergenic o dili. Ug wala usay pruweba nga ang produkto nga gitatakan niining pamaagiha kinahanglan nga mosangput sa mas kubos nga alerdyi sa lawas.

Sa panahon nga ang pagtatak sa kosmetiko ug hypoallergenic una nga nailhan sa mga tawo, ang Food and Drug Administration nisulay kini nga
makontrolar ang maong termino. Niadtong 1975 didto sa Estados Unidos, ang FDA nipagula og regulasyon nga nagaingon nga ang usa ka kosmetiko mamahimo nga matatakan og ”hypoallergenic” kung ang mga siyentipiko nga pagtuon sa mga tawo nagpakita nga mao kini ang rason sa pagkubos sa kadaghanon sa mga reaksyon sa panit kung ikumpara sa mga susamang produkto nga wala niangkon sa maong pamahayag mahitungod sa alerdyi.

Apan, usa kita magpadayon sa unahan, tungod kay taas taas pa man ang atong pagahisgutan mahitungod niining imong sitwasyon, tugoti ako nga ato kini nga padayunon ug pagtuki sa mga sunod nga edisyon niining atongpatik. Hangtud sa sunod!

Dr. Fritz

(Si Dr. Fritz Legarde Espedilla usa ka aesthetic dermatologist/surgeon ug clinical sexologist. Aduna usab siyay kahibalo ug training sa hypnotherapy ug sa Medical Acupuncture. Usa usab siya ka personalidad sa radyo nga sobra na sa dekada nga nagadagan sa kahanginan ug autor sa iyang libro nga “Healthy is Sexy Secrets ni Dr. Fritz”. Nagatudlo usab siya sa usa ka kolehiyo sa Pharmacy. Alang sa inyong mga sulat-suliran, mamahimo kini ninyong ipadala sa Dear Dr. Fritz, c/o Sunstar-Davao Publishing Inc., Ebro-Pelayo Building, Jacinto St., Davao City, (former Department of Foreign Affairs office), across Ateneo de Davao University and beside Holy Child School of Davao, o i-e-mail kini sa dokfritz@yahoo.com. Ang dili magpamantala dili matubag!)
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">



style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="4158864647">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph