GIPAMATUD-AN sa pambato sa Tagum nga si Judelyn Miranda nga siya ang reyna sa 21k sa babaye human nagpabilin ang iyang pagdomina sa lumba nga mioras og 1:32.07 sa nahuman nga 41st National Milo Marathon Davao nga nagsugod ug nahuman sa SM Lanang Priemer Parking Lot kagahapong adlawa.
Gipildi niya sila Vivian Avergonzado (1:41.38), Lalaine Payricio (1:42.22) ug Emely Avergonzado (1:47.07), kinsang misunod sa duha ka puwesto.
Samtang, wala na miapil ang 21k defending champion Sonny Wagdos, nakuha ni Richiel Languido sa Bukidnon City ang iyang trono nga mioras og 1:15.14.
Ikaduha si Michael Echalico sa Davao City (1:18.29), Arnie MacaƱeras sa Panabao Runners Club (PRC) (1:20.19) ug Edwin Zapanta (1:26.24).
Sa 10k, nadepensahan ni Diana Mae Memoracion sa Emar Human and Environmental College (EHEC) ang iyang titulo sa ikaupat nga higayon samtang si Arlan Arbois sa Rizal Memorial Colleges (RMC) nakuha og balik ang titulo sa lalaki nga dibisyon.
Ang way pildi nga si Memoracion, kinsa unang nakasungkit og titulo sa 38th edition sa pinakadakong lumba dagan, mitapos og 43 minutos ug 25 segundos, wala nagpaapas sa mga pambato sa 10th Infantry Division (ID) nga sila Crisselyn Jaro (47:37) ug Joylyn Quirante (556:54), ug Alemie Tenajora (58:09), kinsa nabutang sa sunod nga tulo ka puwesto.
Si Arbois, nga 2015 10k event champion ug ikatulo sa 21k event niadtong milabay nga tuig, mitala og 34:50 aron pildihon si Dante Baay gikan South Cotabato (35:17), Germar Marcelo (35:49) ug Spectrun Runner teammate Agustin Ychon (35:51).
Sa 5k event, mihari si Andrea Deguia sa babaye nga mitala og 17:20 dayon gisundan nila Julia Laranjo ug Analyn Perals kinsa mioras og 19:00 ug 19:29 sa maong han-ay.
Mitapos si Daryl Mark og 14:18 aron modomina sa lalaki nga 5k event batok Fritz Lantaco (14:35) ug Reymark Sorianosos (14:42) nga ikaduha ug ikatulo sa maong puwesto.
Ang tulo nanguna sa female 3k runners mao sila Danica Ambal (13:45), Crisanto Jay Bondoc (14:30), Gernabel Tabog (15:04) and Banilyn Nagal (15:17) samtang sila Aaron Gumban (11:06), Jerick Juyo (11:41) ug Dominic Jhon Gorre (11:53) sa lalaki.