KAPULISAN sa Talisay aduna nay kalambuan sa laing suspek sa pagpatay sa anak sa kanhi reporter John Ronli Calizar.
Apan giangkon usab sa hepe sa Talisay Police Station nga di pa hingpit nga nasulbad ang kaso sa pagpatay ni Calizar bisag wa na ang prime suspect nga si Jessie Largo.
Si P/Supt. Jason Villamater miingon nga bisa'g patay na si Largo di gihapon nila makonsiderar nga sulbad na ang krimen tungod kay aduna pamay usa nga gawasnon hangtod karon nga wa pa gani mailhi.
Ang inahan sa gipatay nga si Calizar miingon nga mas maayo untang buhi nga nasikop si Largo aron makasulti kini kon si kinsa ang iyang kuyog sa paghimo sa krimen.
Si Villamater miingon nga wa silay tinguha nga mapatay si Largo apan tungod kay misukol wa na silay nahimo gani samdan paman ang usa ka pulis atol sa operation.
Hinuon gibutyag niya nga aduna na silay kalamboan sa usa ka nagpatay ni Calizar.
Iyang gibutyag nga daghan na silag nadawat nga kasayuran labot sa kuyog ni Largo apan di lang una niya ibutyag kon unsa kini lakip na ang posibling pangan sanglit padayon paman ang ilang pag-verify sa mga impormasyon.
Giklaro usab ni Villamater nga ang pag-operate nila ni Largo resulta kini sa hulga sa kadagkuan sa kapulisan nga kon di masulbad sa kapulisan sa Talisay ang mga krimen nga nahitabo sa ilang siyudad hulipan ang tanang pulis. (DRT)