ALEGRE paminawon ang duha ka bata nga taga-Bohol sa The Voice Kids niadtong Dominggo nga nikanta sa Bisaya version sa “Just Give Me A Reason” ni Pink bitbit ang ilang mga improvised guitar.

Sa pagkatinuod daghang video sa YouTube sa mga sikat nga kanta nga gihubad sa Bisaya ang nag-viral niadto, sama sa Too Much Love Will Kill You, Lord Patawad ug 21 Guns.

Mas samot pa ni silang mosikat kon maha­tagan lang og saktong exposure. Dili kinahanglan maayo ka mosuwat o mokanta, da more bisdak you sound, da better.

Same Sex Marriage

Legal na ang same sex marriage sa Amerika.

Pero sa civil marriage ra ug dili sa simbahan.

Sa mga nagdamgo nga himuon sad ning legal sa Pinas, labangunon pa nig pito ka lawod.

Matod pa lagi sa CBCP (Catholic Bishops Conference of the Phils), “the Church is only adhering to what the Holy Bible allows which is the marriage between a man and woman.”

Korek!

Same Old Drama

Speaking of kabadingan, usa sa gi-play up karon nga estorya sa Pinoy Big Brother 737 kining duha ka lalaking housemates nga si Kenzo ug Bailey nga giingong dunay relasyon as in bromance ang peg.

Sa tinuod lang super predictable na ang PBB, boring na tan-awon. Kon di man gani kabadingan, maghilak-hilak, maglinibakay, mag-away.

Ang nausab lang ang mga housemate pero the same storyline, the same old drama. Wa na’y lain?

Shocking Galore

Na-shock ko sa pipila ka mga litrato sa mga babaye nga nakuha atol sa usa ka event sa miaging semana nga gipahigayon sa usa ka bar.

Maora na silag karenderya nga bukas sa tanang gustong mokaon. Mga laysho ra ba unta og beauty. Nahubog na kaha tingali?

Ayaw gyud nag ibutang sa Facebook ha! Kuyaw!