GIBAHARAN ni In-ternational Boxing Pro-moter Sammy Gello-ani si ex-WBO super flywe-ight King Marvin “Marve-lous” Sonsona nga ikan-selar niya ang umaabot nga laing world title fight sa lumad nga taga General Santos City kon dili kini magseryuso’g ensayo.

Si Sonsona (14-0-1, 12KOs) gikatakdang ma-kig-away kang Wilfredo Vazquez (17-0-1, 14KOs) sa Puerto Rico karong Pebrero 27 aron ilugan ang bakanteng WBO bantamweight title.

For updates from around the country, follow Sun.Star on Twitter

Sa interbyu sa DYRF Radyo Fuerza 1215 khz “Sports Karon ug Uban Pa” program kagahapon, si Gelloani nagkanayon nga personal gyud siyang miadto sa General Santos City aron susihon ang preparasyon ni Sonsona.

“Gi-warningan nako siya nga kung dili siya mag-serious sa iyang training, akong i-cancel ang iyang away kay useless ra ang away kung ipadayon nga di siya seryuso,” matod ni Gelloani.

Si Sonsona, 19, bag-ong natangtangan og bakus human siya na-overweight atol sa iyang pagdepensa batok kang Alejandro Hernandez sa miaging buwan.

Asoy ni Gelloani nga nagsugod na’g ensayo si Sonsona apan wala pa kini kontrolar sa iyang pagkaon.

Karong adlawa mo-larga si Sonsona padulong sa San Francisco, California, USA, aron adto na ipadayon ang iyang ensayo.

Kuyog niya an gang iyang trainer nga si Nonito Donaire Sr., ug ang laing world challenger nga si Ciso “Kid Terrible” Morales. (Daniel Quindao Guden)