DUGAY nang anaa esena sa international basketball ang beteranong coach sa Gilas Pilipinas nga si Tab Baldwin nga dili na kini bation og kahadlok sa mga ginagmayng butang sama sa group stage draw.
Gani, si Baldwin nagtutok lang gihapon sa usa ka tumong – ang pagdaog og gold medal sa umaabot nga 2015 FIBA Asia Championship.
Sa group stage, ang Gilas nahisakop sa giingong huyang nga grupo apan wala kini nakapausab bisan og gamay sa panglantaw ni Baldwin.
“A draw is a draw. I don’t look at it as a preference or not,” pasabot ni Baldwin sa artikulo nga migawas sa www.spin.ph. “We’re going there to win a gold medal.
We’re one of the favorite teams. We’ve got to beat good teams whether we play them early or late.”
Ang Gilas nahisakop sa Group B kauban ang Palestine, nga karon pa ning-qualify sa FIBA Asia Championship, Kuwait ug usa ka team gikan sa South East Asia nga wala pa nasayri.
Si kanhi national coach Chot Reyes mikonsiderar sa resulta sa draw nga maayo alang sa Gilas apan alang kang Baldwin, dili ra gihapon kini moepekto sa ngadto-ngadto.
“The draw doesn’t impact that too much. If we’re gonna win a gold medal we’re gonna beat strong teams in the quarters and semifinals. That’s where we determine whether we’re gonna deserve our top seeding or we’re gonna win our gold medal,” dugang ni Baldwin.
Sa miaging duha ka mga tuig, ang Pilipinas nahimong runner-up sa Iran nga igo na aron maka-qualify pagbalik ang nasod sa FIBA World Championship.
Ning higayuna, ang Gilas mamasin nga maka-qualify pagbalik sa Olympic Games human sa 43 ka mga tuig.