TALAGSAON ang gipakitang pagtagad ni Cebu City Mayor Tommy Osmeña ngadto sa mokabat sa 25,000 ka senior citizens sa dakbayan sa Sugbo.

Di lang nato sila tawgon og mga tiguwang kay dunay manuyo kon tawgon og tiguwang – senior citizens lang. Matag usa kanila makadawat na karon og P4,000 – P2,000 nga pinaskuhan og P2,000 nga inadlawan. Pagkanindot gyud ining magsingabot ang eleksyon.

For updates from around the country, follow Sun.Star on Twitter

* * *

Apan dunay daghang senior citizens nga nireklamo kay wa pangkadawat sa ilang mga benepisyo gikan sa Cebu City Hall.

Maayo na lang gani kay gi-am-aman sila ni Guillermo Casinillo, pangulo sa Office of the Senior Citizens Affairs (Osca).

Matod ni Casinillo, “Akong giingnan nga ayaw pangluod dayon kay tiniguwang man na. Dali man gud kaayo na mi mahiubos. ”

Bitaw, sayon ba na nga kon taga Barangay Zapatera ka, ang imong ngan adto tugpa sa listahan sa Barangay Toong.

* * *

Ang mga lokal nga kagamhanan gitugtan ubos sa Republic Act 9257, ang Expanded Senior Citizens Act of 2003, sa paghatag og mga benepisyo ngadto sa mga senior citizens.

Angay natong mahalon ug atimanon dayon ang senior citizens kay, matod pa, bitaw sa usa ka panultion sa Cabadiangan, samtang buhi pa ang kabaw atimana intawon sa paghatag og kumpay.

Mao nga nigahin ang Cebu City Council og P50 milyunes alang sa mgabenepisyo sa mga senior citizens nga kinahanglan gyud nga mgarehistradong botante sa syudad.

Ingnon ta na lang nga usa ka salagma nga ang kaayong gipakita samayor ug sa mga konsehal atol nga nagsingabot ang eleksyon.

* * *

Daghang senior citizens sa lalawigan sa Sugbo nga ni-text kanato ug nangindahay nga makahunahuna usab si Cebu Gov. Gwen Garcia sa paghatag og samang mga benepisyo ngadto kanila. Dihay niingon nga nindot unta kaayo kay nag-awas-awas man ang cash sa Kapitolyo ug di sama sa City Hall nga naputos sa utang.

Sayod kita nga mas daghan gyud ang mga senior citizens sa probinsya sa Sugbo kay sa dakbayan. Giingon nga tag-as og kinabuhi ang taga probinsya labi na kadtong utan maoy pirming sud-an.