SI Rico, ama-ama ni Lyka. Matag kaadlawon, wa diha ang iyang inahan kay mangompra sa merkado.

Mga alas 4 sa kaadlawon niadtong Disyembre 1995, kalit nga nahigmata si Lyka dihang iyang namatngunan nga gihuboan siyag short pants sa iyang ama-ama. Gimandoan siyang di maglangas.

For updates from around the country, follow Sun.Star on Twitter

Gidala siya sa iyang ama-ama ngadto sa sala, layo sa iyang mga igsuon nga nangatug uban kaniya. Samtang gitiunan siyag pusil sa ulo, gihukasan siya sa iyang ama-ama.

Gihinol sa iyang ama-ama ang iyang lawas una pa angkuna ang iyang pagkababaye. Nagpanuigon pa siyag 15-anyos niadtong higayuna.

Human siya malugos, nigawas sa balay ang akusado samtang siya gibiyaang naghilak. Mga alas 6 sa buntag niabot ang iyang inahan, apan wa gyud niya sultihi tungod sa kahadlok.

Nasundan pa kadtog makadaghan. Apan diha lang siya mosulti dihang mabdos na siyag pito ka buwan. Ang iyang lola maoy iyang gisultihan.

Ang nakapait kay ang iyang inahan didto mosaksi pabor kang Rico.

Matod sa inahan sa biktima nga si Lyka paraygon na kaayo kang Rico. Giatiman og maayo niini ang iyang ama-ama ug magsigeg paibog. Wa lang kini niya laina pagtan-aw. Matag alas 4 sa kaadlawon nga toa na siya sa merkado, wa na siya masayod sa hitabo.

Si Rico niingon sab nga uyab sila ni Lyka. Nagsugod kini sa ilang panaghawok niadtong Disyembre 1995. Niadtong Pebrero 12, 1996, nikamang si Lyka kaniya ug nidug. Mao kadto ang una nilang panaghilawas.

Nausban kini niadtong Abril 4, 1996. Wa gyud kini niya pugsa sa pagpakig-sex. Wa gyud siya masayod nga nimabdos kini ug kinsa ang amahan.

Kon tinuod nga uyab sila sa iyang ama-ama, di diay sad-an si Rico sa pasangil? Sad-an ba si Rico kon ikaw pahukmon?