HANGTUD karon, wala pa nakahatag sa iyang side si Marian Rivera bahin sa giingong pagminaldita niya sa usa ka make up artist.

Sa maong insidente, giingong gipauli ang bading nga makeup artist sa bag-ohay lamang natapos nag serye nag Stairway to Heaven ni Rhian Ramos ug Dingdong Dantes.

Sumala pa nga nagsugod ang iritasyon ni Marian sa nahisgutang bading tungod daw sa tataw nga pagpakita sa uwahi nga gusto niyang magkadayon si Rhian ug Dingdong sa tinuod nga kinabuhi.

As we all know, boyfriend ni Marian si Dingdong. Gani, duda daw si Marian sa maong makeup artist nga mao ang nangamot aron gayud magka-develop-an sila si Rhian ug Dingdong.

Sumala sa chika, niadtong higayona, wala daw sa mood si Marian tungod sa grabeng kakapoy ug wa pa'y tulog nunot sa sunud-sunod nga trabaho.

May nangutana daw kang Marian kung nganong wala na siya gitagad sa iyang stylist. Ang maong stylist man god, napadulong na sa mga artista sa 'Stairway.'

Tungod daw kay wala sa mood si Marian, nag-dialogue daw kini nga wala siyang labot kung di siya tagdon sa bisan kinsa tungod kay mamahimo siyang makakuha og lain tungod kay siya ang bida sa show.

Apan niadtong higayona, nikanta daw ang maong makeup artist og 'True Colors.'

Ni-react daw si Marian nga, "Pinariringgan mo ba ako?"

Ug siyempre, nidepensa daw ang maong makeup artist apan naitok daw og samot si Marian.

Taud-taod, nagkambyuhay na og di maayong pulong ang duha. After niini, naabot daw sa producer ang panghitabo.

Tungod kay si Marian ang bida sa show, wala siya'y choice, si Marian ang iyang gidapigan. Ang resulta, gipauli ang makeup artist.

Marian, tubaga na ang isyu please or else, mabansagan ka nang "notorious" sa kamalditahan. Ika-pila na ba kini nga isyu?